اراکین پنجاب اسمبلی کی عثمان بزدار سے ملاقات

وزیراعلیٰ پنجاب سردار عثمان بزدار سے اراکین صوبائی اسمبلی عائشہ نواز اور سید افتخار حسن گیلانی نے پنجاب ہاؤس میں ملاقات کی.
بجٹ میں عوام کے لئے ریلیف فراہم کرنے پر وزیراعلیٰ عثمان بزدار کو مبارکباد دی گئی، ڈسٹرکٹ ڈویلپمنٹ پیکیج کے لئے خطیر رقم مختص کرنے پر وزیراعلیٰ عثمان بزدار کے یکساں ترقی کے ویژن کو سراہا گیا.

وزیر اعلیٰ پنجاب سردار عثمان بزدار کا کہنا تھا کہ
پنجاب کی تاریخ میں پہلی بار ترقیاتی پروگرام کے لئے 560ارب روپے کی خطیر رقم رکھی گئی ہے، بجٹ میں اعلان کردہ اقدامات سے صوبے کی معیشت حقیقی معنوں میں مضبوط ہوگی، اپوزیشن اتنے بہترین اور عوام دوست بجٹ کو پڑھے بغیر ہی تنقید برائے تنقید کررہی ہے، اپوزیشن کا رویہ غیر ذمہ دارانہ اور نامناسب ہے، عام آدمی کو ریلیف اور سہولتیں دی گئی ہیں،
بجٹ میں غریب اور کم وسیلہ طبقات پر کوئی بوجھ نہیں ڈالا گیا، بد قسمتی سے اپوزیشن نے قومی مفادات کو بالائے طاق رکھا ہوا ہے، بہترین بجٹ پر اپوزیشن کا واویلا چور مچائے شور کے مترادف ہے،
اپوزیشن تمام محاذوں پر ناکامی کے بعد بوکھلاہٹ کا شکار ہے، اپوزیشن کا کام صرف تنقید برائے تنقید کرنا رہ گیا ہے، انہیں عوامی مسائل سے کوئی سروکار نہیں ہے.