پاکستان کی معروف ٹک ٹاک اسٹار اریکا حق نے ایک بڑا اعزاز اپنے نام کر لیا –
باغی ٹی وی :ویڈیو شیئرنگ ایپ ٹک ٹاک پر مقبولیت حاصل کرنے والی ماڈل و ٹاک اسٹار ریکا حق کے سماجی رابطے کی ویب سائٹ انسٹاگرام پر فالوورز کی تعداد 2 ملین یعنی 20 لاکھ ہوگئی ہے۔
انسٹاگرام پر یہ سنگِ میل عبور کرنے کے بعد اریکا حق پاکستان کی پہلی ٹک ٹاک ماڈل بن گئی ہیں جن کے انسٹاگرام پر 2 ملین فالوورز ہیں۔
کامیابی کے اس موقع پر اریکا حق نے اپنے انسٹاگرام اکاؤنٹ پر اپنے مداحوں کے لیے خصوصی پیغام جاری کیا ہے۔
اریکا حق نے انسٹاگرام پر اپنی کچھ تصویریں شیئر کیں جن میں اُنہوں نے ہاتھ میں 2 ملین والا سائن لیا ہے۔
ٹک ٹاک سٹار نے اس تصویر کے کیپشن میں لکھا کہ میری زندگی میں ہر ایک فرد کا شکریہ جس نے میری مدد کی اور مجھ پر یقین کیا۔‘
اُنہوں نے کہا کہ میرے فین پیچز کا خصوصی شکریہ جنہوں نے ہمیشہ میرا ساتھ دیا۔
آخر میں اریکا حق نے کہا کہ وہ اپنے تمام مداحوں سے بہت محبت کرتی ہیں-
دوسری جانب اگر اریکا حق کے ٹک ٹاک اکاؤنٹ کی طرف نظر دوڑائی جائے تو وہ ٹک ٹاک پر بھی بےحد مشہور ہیں ویڈیو شیئرنگ ایپ ٹک ٹاک پر اریکا حق کے 7 اعشاریہ 9 ملین یعنی 79 لاکھ فالوورز ہیں۔
واضح رہے کہ اریکا حق نے گلوکار عاصم اظہر کے گانے ’تُم تُم‘ میں اداکاری کی تھی جو گزشتہ سال ریلیز ہوا تھا جسے کافی مقبولیت بھی حاصل ہوئی تھی۔
