پشاور کے باچاخان انٹرنیشنل ایئرپورٹ پر وزیٹر کے درمیان جھگڑا:ویڈیو وائرل ہوگئی

پشاور: باچاخان انٹرنیشنل ایئرپورٹ پر وزیٹر کے درمیان جھگڑے کی ویڈیو وائرل ہوگئی ہے اوردوسری طرف حکام نےبھی اس کا فوری نوٹس لیا ہے، اطلاعات ہیں کہ یہ ایک معمولی جھگڑے سے بڑا جھگڑا بن گیا جوبعد ازاں ایئرپورٹ حکام کےلیے بدنامی کا باعث بھی بن گیا

ذرائع کےمطابق باچا خان ایئرپورٹ پر جھگڑا حج سے واپس آنے والےمسافروں کے استقبال کے لیے، آئے افراد کے درمیان ہوا ، پھراس جگھڑے کو وہاں موجود ہرشخص نے دیکھا اورویڈیو بھی بناتے رہے اوربعد ازاں یہی پشاور ایئرپورٹ پر لڑائی جھگڑے کی ویڈیو سامنے آگئی

ویڈیو سے صاف نظرآرہا ہےکہ پشاور ایئرپورٹ مچھلی منڈی کا منظر پیش کرنے لگا ، یہ بھی معلوم ہوا ہے کہ اس کے بعد اے ایس ایف اور سی اے اے ویجیلنس کو موقع پر طلب کیا گیا ،اے ایس ایف اہلکاروں نے وزیٹرز تھپڑ اور لاتیں مار کر منتشر کیا ویڈیو میں مناظر دیکھے جاسکتے ہیں

ترجمان سی اے اے سیف اللہ کا کہنا ہےکہ یہ واقعہ گزشتہ روز پیش آیا، جھگڑا وزیٹر کے درمیان پیش آیا تھا، جسے بعد ازاں حل کرلیا گیاتھا

یاد رہے کہ اسی ایئرپورٹ پر فرض شناسی بھی ایک مثال بن گئی ، 2019 میں پشاور کے باچا خان انٹرنیشنل ائیرپورٹ پر سی اے اے کے عملے کی فرض شناسی کا مظاہرہ سامنے آیا تھا

تفصیلات کے مطابق دبئی سے غیر ملکی ائیرلائن کی پرواز ای سے 636 کے زریعے پشاور پہنچنے والا مسافر اپنا بیگ بھول گیا تھا جس کے بعد امین نامی پورٹر نے کسٹم کے اسکرینگ مشین پر بیگ پڑا ہوا دیکھا تو بیگ اٹھا کر ڈیوٹی آفیسر کے پاس جمع کروادیا۔

بیگ میں تین لاکھ روپے مالیت کے سونے کے زیورات، موبائل فونز اور دیگر اشیاء شامل تھیں۔

سی اے اے حکام نے سی سی ٹی وی کی مدد سے مسافر زر ولی خان کو تلاش کیا اور تلاش کرنے کے بعد عملے نے مسافر زر ولی خان سے رابطہ کرکے ڈی ٹی ایم کی موجودگی میں قیمتی سامان مسافر کے حوالے کردیا۔