امریکی ڈالر پھر سے گر گیا
باغی ٹی وی : مارکیٹ میں ڈالر آج دوسرے دن مزید سستا ہو گیا، انٹربینک میں امریکی کرنسی کی قیمت میں 82 پیسے کی گراوٹ دیکھنے میں آئی۔
کاروباری ہفتے کے چوتھے روز تجارت شروع ہوئی تو ڈالر ریٹ میں 32 پیسے کمی ہوئی جس کے بعد 164 روپے پر ٹریڈنگ ہوئی، بعد ازاں ڈالر کی قیمت میں مزید کمی دیکھنے میں آئی جب ڈالر 82 پیسے کمی کے بعد 163 روپے 50 پیسے پر ٹریڈ کرنے لگا۔
واضح رہے کہ رواں ہفتے کے آغاز پر ڈالر کے ریٹ میں پاکستانی روپے کے مقابلے مسلسل اضافے کا رجحان تھا تاہم گذشتہ روز امریکی کرنسی کو بریک لگی اور انٹر بینک میں روپے کے مقابلے میں امریکی ڈالر کی قدر میں 57 پیسے کی تنزلی دیکھی گئی جس کے بعد ڈالر 164.32 روپے کی سطح پر بند ہوا۔
واضح رہے کہ چارروز کے دوران ڈالر کی قیمت میں 4 روپے 48 پیسے اضافہ ہوا ہے جس سے پاکستان کے بیرونی قرضے 490 ارب روپے تک بڑھ گئے ہیں.واضحرہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی۔ گزشتہ چھ ماہ سے ڈالر کی قیمت میں مسلسل کمی دیکھنے میں آرہی ہے اور اس دوران 9 روپے کی کمی آئی
