آرنلڈ شوارزنیگر نے سڑک کا گڑھا بھر دیا

ہالی وڈ‌کے لیجنڈ اداکار آرنلڈ شوارزنیگر جو کہ ایک بڑی فین فالونگ رکھتے ہیں ، ان کے منفرد کام اور بہترین اداکاری کی وجہ سے پوری دنیا میں ان کو پسند کیا جاتا ہے. آرنلڈ شوارزنیگر کی حال ہی میں سوشل میڈیا پر ایک وڈیو وائرل ہو رہی ہے جس میں وہ ایک گڑھا بھرتے ہوئے دکھائی دے رہے ہیں. آرنلڈ شوارزنیگر اس وڈیو میں کہہ رہے ہیں کہ دیکھیں میں نے سڑک کا گڑھا بھر دیا ، اور خود انہوں نے ایسا کیوں کیا ؟ دراصل آرنلڈ شوارزنیگر کے گھر کی سڑک پر ایک گڑھا تھا ، انتظامیہ کو کئی بار شکایت کی لیکن گڑھا نہ بھرا ، گزرنے والوں کو اور محلے داروں کو اس گڑھے کی وجہ سے بے حد پریشانی ہو رہی تھی لہذا انہوں نے فیصلہ کیا کہ وہ یہ گڑھا خود ہی

بھریں گے، انہوں نے سڑک کا گڑھا خود بھرا اور ساتھ میں ایک وڈیو بنوائی جس میں وہ کہہ رہے ہیں کہ شکایت نہ کریں بلکہ کام کریں، میں نے کئی بار یہ کہا ہے دیکھیں میں نے خود ہی گڑھا بھر کے محلے والوں کی پریشانی کو دور کر دیا ہے. آپ بھی دوسروں سے شکایت کرنے کی بجائے خود آگے بڑھ کر کوئی کام کریں اور دوسروں کے لئے مثال بنیں. سوشل میڈیا پر آرنلڈ شوارزنیگر کے اس عمل کو بہت زیادہ سراہا جا رہا ہے.