ارشد ملک کی جگہ احتساب عدالت میں کس جج کی تعیناتی کی گئی؟ اہم خبر
باغی ٹی وی کی رپورٹ کے مطابق وفاقی حکومت نے اسلام آباد کی احتساب عدالت نمبر 2کا جج تعینات کردیا ،ڈسٹرکٹ اینڈ سیشن جج محمد اعظم خان احتساب عدالت نمبر دو کا جج مقرر کیا گیا ہے،وزارت قانون و انصاف نے جج تعیناتی کا نوٹی فکیشن جاری کردیا ،محمد اعظم خان کو 3 سال کے لیے احتساب عدالت کا جج تعینات کیا گیا
واضح رہے کہ جج ارشد ملک کی مریم نواز نے ویڈیو جاری کی تو سپریم کورٹ کی برہمی کے بعد ارشد ملک کو احتساب عدالت سے ہٹا کر ان کی خدمات لاہور ہایکورٹ کے سپرد کر دی تھیں، بعد ازاں لاہور ہائیکورٹ نے ارشد ملک کو معطل کر دیا تھا،
جج ارشد ملک ویڈیو سیکنڈل، سپریم کورٹ کا بڑا حکم
واضح رہے کہ احتساب عدالت کے سابق جج ارشد ملک کی ویڈیو کے حوالہ سے دائر درخواستوں کے فیصلے میں کہا ہے کہ متعلقہ ویڈیو اور اس کے اثرات سے متعلق یہ موقع نہیں کہ عدالت مداخلت کرے ،جج ارشد ملک ویڈیواسکینڈل کیس کافیصلہ 15 پیراپرمشتمل ہے ،
فیصلہ میں کہا گیا ہے کہ ویڈیو سے متعلق فوجداری اپیل اسلام آباد ہائی کورٹ میں زیرسماعت ہے،ایف آئی اے پہلے ہی اس کیس کی تحقیقات کررہی ہے ،بالخصوص متعلقہ ویڈیو کاتعلق اسلام آباد میں زیر التوا اپیل سے ہے.
دوران سماعت چیف جسٹس نے کہا تھا کہ ارشد ملک کے کردارسے ججوں کے سرشرم سے جھک گئے ، عجیب جج ہیں فیصلے کے بعد مجرمان کے گھر چلے جاتے ہیں،پھرمجرم کے بیٹے سے ملنے مدینہ منورہ جاتے ہیں،ارشد ملک کے کردارسے متعلق بہت سی باتیں دیکھنے والی ہیں،
واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی.
