گولڈ میڈلسٹ ارشد ندیم وطن واپس پہنچ گئے

لاہور: کامن ویلتھ اور اسلامی یکجہتی گیمز میں جویلین تھرو مقابلوں میں پاکستان کیلئے گولڈمیڈل حاصل کرنے والے ایتھلیٹ ارشد ندیم وطن واپس پہنچ گئے۔

باغی ٹی وی: ارشد ندیم غیر ملکی ائیرلائن کی پرواز سے استنبول سے لاہور پہنچے ائیرپورٹ پر ارشدندیم کے اہل خانہ اور اسپورٹس بورڈ کے عہدیداروں نے ایتھلیٹ کا شاندار استقبال کیا جبکہ ان کے مداحوں نے ڈھول کی تھاپ پر بھنگڑے ڈالے۔

دولت مشترکہ کھیلوں اور اسلامک گیمز میں پاکستان کا نام روشن کرنے والے ارشد ندیم کاپاکستان پہنچنے پر شاندار استقبال، سپورٹس منسٹر پنجاب ملک ملک تیمور نے استقبال کیا۔
@Arshad0lympian1 @Sports_BoardPB @AthleticsFeder1 #CommonWealthGames2022 #IslamicGames pic.twitter.com/KnG7morccF

— Abdul Waheed Rabbani (@waheedrabbanipk) August 15, 2022

لاہور ائیر پورٹ پت ارشد ندیم نے میڈیا سے گفتگو کرتے ہوئے کہا کہ پاکستانی قوم کی دعاؤں کی بدولت گولڈ میڈلز جیتنے میں کامیاب ہوا، خوشی ہے کہ پاکستان کے لیے دو میڈل جیتے میں زخمی تھا لیکن اس کے باوجود میں نے ہمت نہیں ہاری اور گولڈ میڈل جیتا نوجوانوں سے کہوں گا محنت کریں، محنت رائیگاں نہیں جائے گی اور پھل ملے گا۔

انہوں نے کہا کہ بین الاقوامی کھلاڑیوں کی طرح پاکستانی ایتھلیٹس کو بھی سہولتیں ملنی چاہییں، وسائل دیے جائیں تو پاکستانی کھلاڑی دوسرے مقابلوں میں گولڈ میڈلز جیت سکتے ہیں حکومت کو چاہیے اولمپک کے لیے ایک علیحدہ گراؤنڈ دے۔

صوبائی وزیرکھیل ملک تیمور نے کہا کہ ارشد ندیم نے قوم کو یوم آزادی کا تحفہ دیا ہے،ارشد ندیم کے گاوں میں اسٹیڈیم بنائیں گے۔

واضح رہے کہ ارشدندیم نے پہلے برمنگھم میں کامن ویلتھ گیمز کےجویلین تھرو مقابلوں میں گولڈ میڈل جیتا جبکہ بعد ازاں انہوں نے ترکیہ میں جاری اسلامی یکجہتی گیمز بھی گولڈ میڈل اپنے نام کیا برمنگھم میں ارشد ندیم 90 میٹر کی تھرو کرنے والے نہ صرف پاکستان بلکہ جنوبی ایشیا کے پہلے ایتھلیٹ بن گئے انہوں نے پانچویں باری میں 90.18 میٹر کی ریکارڈ تھرو کی، یہ تھرو اس سال کی تیسری بہترین تھرو ہے۔

اس سال اینڈرسن پیٹرز 93.07 میٹر اور جیکب ویڈلیک 90.88 میٹر کی تھرو کر چکے ہےارشد ندیم سب سے بڑی تھرو کرنے والے جنوبی ایشیا کے پہلے جبکہ دوسرے ایشین بن گئے ہیں، تائیوان کے چاؤ سن چینگ نے 2017 میں 91.36 میٹر کی تھرو کی تھی۔

پاکستان نے 1966 کے بعد کامن ویلتھ گیمز ایتھلیٹکس میں میڈل جیتا جبکہ یہ 1962 کے بعد کامن ویتلھ گیمز ایتھلیٹکس میں پاکستان کا پہلا گولڈ میڈل ہے۔