ارشد شریف کا لیپ ٹاپ ، صحافی کے سوال پر مراد سعید کا چہرہ لال، نہ دیا جواب

پشاور:ارشد شریف کا لیپ ٹاپ ، صحافی کے سوال پر مراد سعید کا چہرہ لال، نہ دیا جواب،اطلاعات کے مطابق باغی ٹی وی کی رپورٹ کے مطابق کینیا میں قتل پاکستانی صحافی ارشد شریف کے بارے میں تحقیقاتی ٹیم نے انکشاف کیا تھا کہ انکا لیپ ٹاپ عمران خان کے قریبی ساتھی مراد سعید کے پاس ہے۔

مراد سعید نے آج پشاور میں پریس کانفرنس کی ۔ پریس کانفرنس میں مراد سعید عمران خان کے نقش قدم پر چلتے ہوئے اداروں پر تنقید کرتے نظر آئے لیکن صحافیوں کے سوالوں کا جواب دیتے ہوئے گھبرا گئے۔ مراد سعید سے صحافیوں نے ارشد شریف کے لیپ ٹاپ کے حوالہ سے سوال کیا جس کا جواب مراد سعید نے ہاں یا ناں میں دینے کہ بجائے کہا کہ میں نے پریس کانفرنس کس بات پر کی ۔ تحقیقاتی ٹیم سے ہی اس بارے سوال کیا جائے

قومی اسمبلی کا الیکشن 6 ماہ آگے لے جا سکتےہیں: رانا ثناء اللہ

واضح رہے کہ تحقیقاتی ٹیم کا دعوی ہے کہ ارشد شریف کا لیپ ٹاپ مراد سعید کے پاس ہے تحقیقاتی ٹیم نے مراد سعید کو 28 نومبر کو طلب کر رکھا ہے اور کہا ہے کہ لیپ ٹاپ ساتھ لے کر آئیں تا کہ تحقیقات کے سلسلہ کو آگے بڑھایا جا سکے ۔ اب دیکھتے ہیں مراد سعید آج تحقیقاتی ٹیم کے سامنے پیش ہوتے ہیں یا راہ فرار اختیار کرتے ہیں

متنازع ٹوئٹس: اعظم سواتی کیخلاف کراچی، کوئٹہ اور جیکب آباد میں مقدمات درج

ارشد شریف کے قتل کی تحقیقات کے لیے ٹیم کینیا بھی گئی تھی۔ باغی ٹی وی یہ خبر بھئ دے چکا ہے کہ ارشد شریف نے پاکستان سے روانگی سے قبل ہی کینیا کا ویزہ لے لیا تھا اور انکا کینیا جانے کا پروگرام تھا ۔ ارشد شریف کے پاکستان میں جانے کے حوالہ سے تحریک انصاف کی خیبر پختونخوا حکومت نے مدد کی تھی وہ پشاور ایئر پورٹ سے روانہ ہوئے تھے ۔ انہیں پاکستان چھوڑنے کا مشورہ تحریک انصاف کے چیئرمین عمران خان نے دیا تھا جس کا اعتراف وہ خود ایک خطاب میں کر چکے ہیں ۔