آرٹیکل 370 ہٹانے پر سپریم کورٹ کا مودی کو نوٹس، آئندہ سماعت کب ہو گی….جانیے

جموں و کشمیر سے آرٹیکل 370 ہٹائے جانے کے مسئلے پر سپریم کورٹ نے مودی حکومت کو نوٹس بھیج دیا ہے۔
آرٹیکل 370کو ختم کرنے کا اقدام بھارتی سپریم کورٹ میں چیلنج
چیف جسٹس رنجن گوگوئی کی سربراہی میں سپریم کورٹ بنچ نے کہا کہ سماعت اکتوبر کے پہلے ہفتے میں شروع ہوگی۔ سماعت5 ججوں کا آئین بنچ سنے گا۔

دریں اثنا سپریم کورٹ نے کشمیر ٹائمز کے ایگزیکٹو ایڈیٹر کی درخواست پر بھارت کی مرکزی حکومت کو نوٹس جاری اور مودی حکومت سے 7دن میں جواب طلب کر لیا۔

یاد رہے کہ ایڈووکیٹ ایم ایل شرما، بیوروکریٹ سے سیاستدان شاہ فیصل ، جے این یو کے سابق طلباءرہنما شہلا رشید اور جموں و کشمیر سے رادھا کمارنے آرٹیکل 370 کے تحت مقبوضہ کشمیر کی خصوصی حیثیت کو ختم کرنے کو چیلنج کیا ہے۔ اسی طرح نیشنل کانفرنس کے ممبران پارلیمنٹ محمد اکبر لون اور جسٹس (ر) حسنین مسعودی نے بھی مودی حکومت کی طرف سے جموں و کشمیر کی آئینی حیثیت میں کی جانے والی تبدیلیوں کو چیلنج کیا ہے۔

کشمیر ٹائمز کے ایگزیکٹو ایڈیٹر نے مقبوضہ کشمیر میں رابطوں کے ذرائع سے پابندی ہٹانے کی درخواست دائر کی تھی۔