اسدعمرکی زیرصدارت این سی او سی کااجلاس،24 مئی سےتعلیمی ادارے،ریسٹورنٹس اورسیاحت کھولنے کا اعلان

این سی او سی : رکن قومی اسمبلی اور وفاقی وزیر اسد عمر کی زیر صدارت نیشنل کمانڈ اینڈ آپریشن سینٹر کا اجلاس

باغی ٹی وی : ‏این سی او سی کا 24 مئی سے تعلیمی ادارے، ریسٹورنٹس اور سیاحت کھولنے کا اعلان

این سی او سی کے مطابق 5 فیصد سے کم کورونا کیسز والے اضلاع میں تعلیمی ادارے 24 مئی سے کھولے جائیں گے-

اجلاس میں این سی او سی نے کہا کہ ریسٹورنٹس کو آوٹ ڈور ڈائننگ کی اجازت ہو گی ‏ریسٹورنٹس رات 12بجےتک کھلےرہیں گے ‏ٹیک اوے کی اجازت 24 گھنٹے کے لیے ہوگی، این سی او سی

این سی او سی کی ایس او پی کے مطابق ‏یکم جون سے شادی ہالز کو آؤٹ ڈور تقریبات کی اجازت ہوگی ‏شادی کی تقریب میں 150 افراد حصہ لے سکیں گے-

‏این سی او سی نے کہا کہ 7 جون سے تمام تعلیمی ادارے کھل جائیں گے ‏یکم جون سے کھولے جانے والے شعبوں کا حتمی جائزہ 27 مئی کو لیا جائے گا-

‏مزار، سینما گھر، ریسٹورنٹس کے اندر بیٹھ کر کھانا کھانے پر پابندیاں ہوگی ‏اسپورٹس، میلوں اور ثقافتی تقریبات پر بھی پابندیاں برقرار رکھی جائیں گی-

‏ان ڈور اور آؤٹ ڈور موسیقی، ثقافتی اور مذہبی تقریبات پر مکمل پابندی رہے گی ‏ہفتہ اور اتوار کو صوبوں کے درمیان ٹرانسپورٹ کی پابندی بھی جاری رہے گی ایس او پیز پر سختی سے عملدرآمد یقینی بنایا جائے گا-