پارلیمنٹس کے اسپیکر کی چوتھی کانفرنس سےاسدقیصر کا خطاب

اسلام آباد:تاریخ 25رات9بجے)اسپیکر قومی اسمبلی اسد قیصر نے ترکی کے شہر اناتالیہ میں "دہشت گردی کے خلاف جنگ اور علاقائی رابطے کو مضبوط بنانے” کے بارے میں پارلیمنٹس کے اسپیکر کی چوتھی کانفرنس سے خطاب کرتے ہوئے کہا کہ پاکستان خطہ میں امن و استحکام کے لیے اپنا تعاون جاری رکھے گا۔دہشتگردی سے سب سے زیادہ مثاثر ہونے والا پاکستان اس ناسور کو جڑ سے اکھاڑ پھینکنے کے لئے پرعزم ہے اور پاکستان کی جانب سے دی جانی اور مالی قربانیوں کی بدولت دہشتگردی کا خاتمہ ممکن ہوا۔اسپیکر اسد قیصر نے کانفرنس سے خطاب کرتے ہوئے کہا کہ مغرب میں بڑھتے ہوئے اسلامو فوبیا کی وجہ سے امت مسلمہ کو سیکیورٹی کے بے پناہ خطرات لاحق ہیں۔اس مسئلے سے نمٹنے کے لئے مشترکہ حکمت عملی وضع کی جانی چاہیے اور اسلام بطور امن کا مذہب اور اس کے اصل چہرے کو روشن کرنے کے علاوہ اسلام وفوبیہ سے نمٹنے کے لئے باہمی روابط کو فروغ دینا چاہئے۔

اسپیکر اسد قیصر نے فلیگ شپ چین پاکستان اقتصادی راہداری منصوبے کے تحت پاکستان کی طرف سے جاری پیشرفت پر روشنی ڈالی۔ انہوں نے کہا کہ چین پاکستان اقتصادی راہداری منصوبہ نہ صرف پاکستان بلکہ پورے خطے کے لئے گیم چینجر ہے اور یہ خطے میں امن کے حصول کی پاکستان کی انتھک کوششوں کی وجہ سے ہی ممکن ہوا ہے۔اسپیکر نے کہا کہ قیام امن کے لئے ترکی کی کوششیں قابل تعریف ہیں اور خطے میں امن اور استحکام کے لئے اس طرح کی کانفرنسوں کا انعقاد لازمی ہے۔اسپیکر نے مقبوضہ جموں و کشمیر پر بھارتی ناجائز قبصہ کا ذکر کرتے ہوئے بھارتی افواج کے مظلوم اور نہتے کشمیری عوام پر ڈھائے جانے والے مظالم کو اجاگر کیا۔ انہوں نے عالمی برادری سے مطالبہ کیا کہ وہ مقبوضہ جموں و کشمیر میں موجودہ انسانی حقوق اور انسانیت سوز صورتحال کا نوٹس لے اور بھارت پر عالمی دباو ڈالے۔

تفصیلات کے مطابق اناتالیہ میں کانفرنس کے موقع پر ، اسپیکر اسد قیصر نے پاکستان کے پارلیمانی وفد کے ہمراہ ترک پارلیمنٹ کے اسپیکر پروفیسر ڈاکٹر مصطفی سینٹپ سے ملاقات کی ۔ ملاقات میں دونوں ممالک کے مابین موجودہ پارلیمانی تعلقات کو مستحکم کرنے کی حکمت عملی پر تبادلہ خیال کیا گیا۔ دونوں ممالک کے اسپیکرز نے پاکستان اور ترکی کے مابین موجودہ دوطرفہ تعلقات کو مزید مستحکم بنانے کے لئے دونوں پارلیمان کے مابین پارلیمانی وفود کے تبادلے کو بڑھانے پر اتفاق کیا گیا۔انہوں نے مختلف شعبوں میں دوطرفہ معاشی تعاون بڑھانے پر بھی اتفاق کیا۔ اسپیکر اسد قیصر نے پاکستان میں توانائی اور بنیادی ڈھانچے کی ترقی کے شعبوں میں ترکی کے تعاون کو سراہا۔ اسپیکر اسد قیصر نے اس اہم علاقائی پارلیمانی کانفرینس کی میزبانی کرنے پر ڈاکٹر مصطفی سینٹوپ کی تعریف کی۔