مبشرلقمان کے قومی معاملات پراہم سوالات،اسدعمر کے اہم جوابات، جاتی عمرہ سے نریندرمودی تک لاہورسے لندن تک،کیا ہواکون ذمہ دار؟

لاہور:مبشرلقمان کے اہم قومی معاملات پراہم سوالات،اسدعمر کی زبانی اہم جوابات،جاتی عمرہ سے نریندرمودی تک لاہورسے لندن تک اہم رازافشاں کردیئے ،اطلاعات کےمطابق ملک میں مہنگائی بڑھنے کی کوئی ایک وجہ نہیں بلکہ کئی وجوہات ہیں ، ان خیالات کا اظہارپاکستان تحریک انصاف کے مرکزی رہنما اوروزیراعظم عمران خان کے قابل اعتماد ساتھی اسد عمر نے معروف صحافی ، اینکرمبشرلقمان سے گفتگوکرتے ہوئے کیا ، باغی ٹی وی کے مطابق مبشرلقمان نے اس موقع پر پاکستان میں مہنگائی ، معاشی صورت حال اورحکومت کی ترجیحات کے بارے میں کھرے ،سچے اور چبتے چبتے سوالات کئے جن کے جوابات بھی کچھ اس طرح ہی تھے

باغی ٹی وی کےمطابق مبشرلقمان یوٹیوب چینل کے میزبان مبشرلقمان نے اسد عمر سے پاکستان میں مہنگائی کی وجوہات اور اس کے تدارک پرحکومتی اقدامات اورترجیحات پوچھیں تواسد عمر نے بتایا کہ ملک میں مہنگائی کی کوئی ایک خاص وجہ نہیں ہے بلکہ اس کے کئی پہلوہیں ، اسد عمرنے ان پہلووں پرروشنی ڈالتے ہوئے کہا کہ پہلی تو بات یہ ہے کہ مہنگائی کا تعلق عالمی مارکیٹ میں بڑھنے والی مہنگائی سے بھی ہے کوئی بھی ملک عالمی مارکیٹ کے اثرات سے محفوظ نہیں رہ سکتا،

اسد عمر نے مبشر لقمان کے سوال کا جواب دیتے ہوئے کہا کہ دوسری بڑی وجہ ڈالرکی قیمت میں اضافہ اورملکی کرنسی میں گراوٹ بھی ہے، انہوں نے مزید بتایا کہ ااس مہنگائی میں آئی ایم ایف کا بھی حصہ ہے ، ایک سوال کے جواب میں اسد عمر نے بتایا کہ ملک میں مہنگائی کے طوفان میں خودساختہ مہنگائی کا بھی حصہ ہے جس میں کچھ لوگ اورکاروباری لوگ شامل ہیں‌

مبشرلقمان نے اس عمر سے سوال کرتے ہوئے پوچھا کہ کیا ان کے خلاف کارروائی ہوگی جو اس میں ملوث ہیں تو اسد عمرنے جواب دیتے ہوئے کہاکہ جی ہاں وزیراعظم نے ایف آئی اے کواس سارے معاملے کی تحقیقات کا حکم دیا تھا ، جو بھی ملوث ہوا تو اس کے خلاف کارروائی ہوگی ،

مبشر لقمان یوٹیوب چینل کے میزبان مبشرلقمان نے اسد عمر سے سوال کرتے ہوئے پوچھا کہ کہا جارہا تھا کہ آٹے کا بحران ختم کرنے کےلیے گندم منگوائی جائے گی لیکن گندم منگوانے کے بغیر ہی یہ بحران ختم ہوگیا اس کی کیا وجہ ہےاس پراسدعمر نے انکشاف کیا کہ کچھ تو حکومتی اقدامات کی وجہ سے اوردوسرا پاسکوکے پاس بہت بڑا ذخیرہ پڑا ہے اس کے ذریعے اس کو مربوط کیا گیا ہے جس کی وجہ سے یہ بحران ٹل گیا ہے

مبشرلقمان نے اسد عمر کو مبارکباد دیتے ہوئے کہاکہ سنا ہے کہ آپ پھروزیرخزانہ بن رہے ہیں اس پراسد عمرنے حقائق سے نظرچراتے ہوئے جواب دیا نہیں فی الحال تو ایسا نہیں ہے ، شبرزیدی کے متعلق ایک سوال کے جواب میں اسد عمر نے کہا کہ وہ واقعی بیمار ہیں اور اسی وجہ سے وہ علاج کی غرض سے چھٹی پرگئے ہیں

مبشرلقمان نے جب اس عمر سے ایف بی آر کو پرائیویٹ کرنے کے بارے میں سوال کیا تو انہوں نے ہنستے ہوئے جواب دیا آپ کو بھی علم ہوگا کہ ایک دن وزیراعظم نے بھی کہا تھا کہ ایف بی آر کی جگہ کوئی اورمحکمہ لے آنا چاہیے ، اسد عمر نے اس پروضاحت پیش کرتے ہوئے کہاکہ بات یہ ہےکہ اس قسم کے ادارے میں اصطلاحات کی اشد ضرورت ہے لیکن اس کےلیے بڑے صبر کا مظاہرہ کرنا پڑے گا

اسدعمر نے مبشرلقمان کے اس سوال کے جواب میں کہ آپ میں کرنٹ اکاونٹ کے خسارے میں کمی اورمعیشت کے بہترہونے کی کہانیاں سناتے ہیں لیکن عوام آٹے،چینی اور پانی جیسے معاملات سے پریشان ہیں ایسے تو نہیں چلے گا ، اسدعمر نے بتایا کہ ایسے ہی ہے جیسے کوئی قرض لے کرموجیں اڑا رہا ہواور ایک وقت آتا ہے جب قرض والے قرضہ واپس مانگتے ہیں توپھرجوگھروالے اور گھروالی پربیتتی ہے وہی ہمارا حال ہے

اس کے جواب میں مبشرلقمان نے کہا کہ پی ٹی آئی کا سب سے بڑا سپورٹرخواتین اوراورسمندرپارپاکستانی ہیں تواگران کو آٹآ ، گھی اورچینی نہیں ملے گی توپھر وہ تو سخت ناراض ہوں گے ، اسد عمر نے اس کے جواب میں بتایا کہ وزیراعظم انہیں پہلووں پرکام کررہے ہیں اورکل کی کابینہ کی میٹنگ میں اہم فیصلے ہوئے اور15 ارب روپے مختص ہوئے اگلی میٹنگ میں اوربھی بہترفیصلے ہوں گے ، عوام کو ناراض نہیں ہونے دیں گے

مبشرلقمان نے جب اسد عمر سے پوچھا کہ آپ کا سارا دھیان اس وقت سوشل میڈیا پر ہے کوئی اورکام بھی کرلیں تو اسد عمر نے جواب دیتے ہوئے کہا کہ اس کی وجہ یہ ہےکہ میڈیا میں اس وقت بہت سے لوگ جھوٹ چھاپ چھاپ کرحکومت کوناکام ظاہرکرنے کی کوشش کررہے ہیں تو اس کے لیے ضروری ہے کہ کوئی متبادل پلیٹ فارم ہونا چاہیے

اس کے جواب میں مبشرلقمان نے اسد عمرسے پوچھا کہ آپ خود ہی فیصلہ کریں جب حکومتی ادارے کسی صحافی کو مطلوبہ حقائق اوراعدادوشمار نہیں دیں گے توپھروہ کیا کرے گا ، جس کو معلومات نہیں ملیں گی پھروہ یہی طریقہ اختیارکرے گا جو بقول آ پ کے ہورہا ہے،

مبشرلقمان نے اسد عمرسے پوچھا کہ مریم نوازکوایئرپورٹ پرکون کون چھوڑنے جارہا ہے ، اس پراسد عمر نے کہاکہ ایسا نہیں ہے ، اس کی ضمانت کا معاملہ عدالت میں زیرسماعت ہے ، مبشرلقمان کے ایک اور سوال کے بارے میں اسد عمر نے کہاکہ میاں نوازشریف کے معاملے میں بہت ڈرامے بازی کی گئی ، جس پرمریم کے معاملے پرنظررکھی جارہی ہے

مبشرلقمان نے اسد عمرسے پوچھاکہ پہلے توکام ہوجاتے تھے ، اب توآپ کے دورحکومت میں کوئی بات بھی سنتا ، دوسرا کرپشن کم ہونے کی بجائے زیادہ ہوگئی ہے ، اس پراسد عمر نے جواب دیا کہ ہوسکتا ہے ، کیوں کہ اوپرکی سطح پرکرپشن کے خلاف دباوکی وجہ سے کسی کے بس میں کرپشن کرنا نہیں رہا اورنیچے والے لیول پرکوئی لو کررہے ہو، اس پربھی قابوپانے کی کوشش کررہے ہیں ، اسدعمرنے کہاکہ چند مہینوں تک نیا بلدیاتی نظام لے کرآرہے ہیں جس کے بعد مقامی سطح پررکے ہوئے کام بھی ہوا کریں گے اور معاملات بھی بہترانداز میں چلیں گے

مبشرلقمان اسدعمرسے کیا آپ نے کبھی عوام سے اپنی کوتاہیوں پرمعافی کا بھی سوچا ہے توانہوں جواب دیا کہ کوتاہیاں توہوتی ہیں اس پرکوکوئی شک نہیں البتہ جس طرح ہمیں پیش کیا جارہاہے یہ غلط ہے معاملات بہترہوئے لیکن دکھانے والے جھوٹ بول بگاڑ کردکھا رہے ہیں

مبشرلقمان کے سوال کے جواب میں اسد عمر نے کہاکہ میڈیا ہاوسزاورذمہ داران اورمعیاری صحافت کرنے والوں پرقدغن غیرقانونی اورملکی مفاد میں نہیں ہے ، اوروہ جو جھوٹ بول کرمعاشرے کوگمراہ کررہے ہیں ان کو آزادی دینا بھی ملکی مفاد میں نہیں‌ہے

آخرمبشرلقمان نے اسد عمر سے پوچھا کہ یہ توبتائیں کہ کیا کشمیرکا معاملہ دب تو نہیں گیا ، اس پراسد عمر نے بہت خوبصورت جواب دیتے ہوئے کہا کہ نہیں ، 5 اگست کے بعد جس طرح عمران خان نے مسئلہ کشمیرکواجاگرکیا آج تک پاکستان کی تمام حکومتیں مل کربھی اتنا اجاگرنہ کرسکیں ، عمران خان کشمیریوں کی آزادی کے لیے آخری حد جائیں گے اوریہی پاکستان تحریک انصاف کا مشن ہے،