اسد عمر کی عبوری ضمانت میں توسیع

ڈسٹرکٹ اینڈ سیشن کورٹس اسلام آباد ،اسد عمر کے خلاف تھانہ ترنول میں درج مقدمہ میں عبوری ضمانت میں توسیع کا معاملہ ، ایڈشنل سیشن جج طاہرعباس سِپرا نے کیس کی سماعت کی

اسد عمر کی عبوری ضمانت میں 10 جون تک توسیع کر دی گئی،پی ٹی آئی کے رہنما اسد عمر عدالت میں پیش ہوئے ،بابر اعوان کے ملک سے باہر ہونے کی وجہ سے ان کے ایسوسی ایٹ وکیل عدالت میں پیش ہوئے .ایسوسی ایٹ پراسیکیوٹر نے کہا کہ پراسیکیوٹرکی والدہ فوت ہوئی ہیں اس لیے وہ چھٹی پر ہیں وہ نہیں آسکتے، سماعت کو ملتوی کیا جائے، اسد عمر نے ایسوسی ایٹ پراسیکیوٹرپر سے مکالمہ کرتے ہوئے کہا کہ آپ کو بھی پتہ ہے اور مجھے بھی پتہ ہے اس کیس میں کچھ نہیں ہے، میں واحد آدمی ہوں جس کے 9 اور 10 مئی کے حوالے سے بیانات موجود ہیں اور ان کے پاس کوئی ثبوت نہیں ہیں، میں چاہتا ہوں آج ہی اس کے دلائل مکمل کر دوں ،

عدالت نے ریمارکس دیتے ہوئے کہا کہ پراسیکیوٹرپر تو آئے ہی نہیں ہیں اگلی تاریخ رکھ لیتے ہیں،عدالت نے کیس کی سماعت بغیر کارروائی کے 10 جون تک ملتوی کر دی ،اسد عمر کے خلاف تھانہ ترنول میں مقدمات درج ہیں

عثمان بزدار کے گرد گھیرا تنگ،مبشر لقمان نے بطور وزیر بیورو کریسی کیلئے کیسے سٹینڈ لیا تھا؟ بتا دیا

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

اے دشمن دیں تو نے کس قوم کو ہے للکارا

واضح رہے کہ اسد عمر تحریک انصاف کے تمام عہدے چھوڑ چکے ہیں، جیل سے رہائی کے بعد اسد عمر نے تمام عہدے چھوڑنے کا اعلان کیا تھا،نیشنل پریس کلب اسلام آباد میں پریس کانفرنس کرتے ہوئے اسد عمر کا کہنا تھاکہ 10مئی کو میری گرفتاری ہوئی تب سے قید تنہائی میں تھا ، 9 مئی کو جو واقعات ہوئے اس کی مذمت تمام لوگ کرچکے، میں تفصیل میں جانا چاہتا ہوں کیوں یہ واقعات ملک کیلئے خطرناک ہیں، ایسی تنصیبات جن کا فوج سے تعلق تھا ان پر حملے کیے گئے۔اسد عمر کا کہنا تھاکہ 9 مئی کے بعد میرے لیے ممکن نہیں ہے کہ قیادت کی ذمہ داریاں نبھا سکوں، سیکرٹری جنرل اور کور کمیٹی کی رکنیت سے مستفی ہو رہا ہوں۔