اسلام آباد: معروف صحافی و یوٹیوبر اسد طور کو بھی گرفتار کرلیا گیا ہے۔

باغی ٹی وی : ایف آئی اے سائبر کرائم نے چیف جسٹس قاضی فائز عیسیٰ کیخلاف چلائی جانے والی مہم پر صحافی اسد طور اور عمران ریاض کو نوٹسز جاری کیے تھے۔ دونوں صحافیوں کو 23 فروری کو طلب کیا گیا تھا، جاری کردہ نوٹسز کے مطابق صحافی اسد طور اور عمران ریاض کو چیف جسٹس قاضی فائز عیسیٰ کیخلاف چلائی جانے والی سوشل میڈیا مہم سے متعلق بیان کیلئے طلب کیا گیا،صحافی عمران ریاض کو ایف آئی اے سائبر کرائم رپورٹنگ سنٹر گلبرگ لاہور جبکہ اسد طور کو ایف آئی اے سائبر کرائم رپورٹنگ سنٹر اسلام آباد میں پیش ہونے کی ہدایت کی گئی تھی۔

ایف آئی اے اسد طور کو ہراساں نہ کرے، عدالت

واضح رہے کہ قبل ازیں صحافی و یوٹیوبراسد طور کو ایف آئی اے نوٹس کے خلاف درخواست پر اسلام آباد ہائی کورٹ میں سماعت ہوئی اسلام آباد ہائی کورٹ کے چیف جسٹس عامر فاروق نے درخواست پر سماعت کی،عدالت نے اسد طور کو ایف آئی اے کی انکوائری جوائن کرنے کی ہدایت کر دی، اسلام آباد ہائیکورٹ کے چیف جسٹس عامر فاروق نے ایف آئی اے کو ہدایت کی کہ درخواست گزار کو ہراساں نہ کیا جائے،درخواست گزار بھی ایف آئی اے کی انکوائری جوائن کرے-

بجلی ایک ماہ کیلئے 7 روپے 5 پیسے فی یونٹ مہنگی

غزہ میں جنگ بندی کیلئے مذاکراتی وفد قطر پہنچ گیا