ضمنی انتخابات، آصفہ بھٹو کے مقابلے میں آنیوالا پی ٹی آئی امیدوار گرفتار

تحریک انصاف کے قومی اسمبلی کے حلقہ این اے 207 نواب شاہ کے ضمنی انتخابات کے لیے امیدوار غلام مصطفیٰ رند کو سکرنڈ سے گرفتار کر لیا گیا ہے

غلام مصطفیٰ رند نے پیپلز پارٹی کی امیدوار آصفہ بھٹو کے مقابلے میں کاغذات جمع کروائے تھے،پہلے مرحلے میں غلام مصطفیٰ کا فارم رد ہوا تھا آج فارم بحال ہونے پر پولیس نے امیدوار کو گرفتار کر لیا، تحریک انصاف سندھ کے صدر حلیم عادل شیخ اور جنرل سیکرٹری ایڈووکیٹ علی پلھ نے آصفہ کے مقابلے میں تحریک انصاف کے امیدوار کی گرفتاری کی شدید مذمت کرتے ہوئے الزام لگایا ہے کہ پولیس ہمارے امیدواروں کو انتقامی کارروائی کا نشانہ بنا رہی ہے، پیپلزپارٹی عوام کے ووٹ سے خوفزدہ ہوچکی ہے، پوری جماعت پی ٹی آئی امیدوار کے ساتھ کھڑی ہے، پولیس کی بلا جواز کارروائی بزدلانہ عمل ہے، ایسے اوچھے ہتھکنڈوں سے ہمارے امیدواروں کو ڈرا یا نہیں جا سکتا۔

پی ٹی آئی سندھ کے سیکریٹری جنرل ایڈووکیٹ علی پلھ نے مطالبہ کیا کہ فوری طور پر ہمارے امیدوار کو رہا کیا جائے، ہم پولیس گردی کی شدید مذمت کرتے ہیں، ہمارے امیدوار کو فوری رہا نہیں کیا گیا تو سخت احتجاج کیا جائے گا

آصفہ بھٹو زرداری نے این اے 207 سے اپنے کاغذات نامزدگی جمع کرادیے۔

8 فروری کو ہونے والے عام انتخابات کے لیے آصفہ بھٹو نے پیپلزپارٹی کے لیے ملک گیر انتخابی مہم چلائی اور اپنے بھائی بلاول بھٹو زرداری کا بھرپور ساتھ دیا، آصفہ بھٹو زرداری پاکستان کی بڑی سیاسی جماعت پیپلز پارٹی کے سیاسی گھرانے کا حصہ ہیں، وہ پاکستان کی سابق وزیر اعظم بے نظیر بھٹو شہید اور پاکستان کے سابق صدر آصف علی زرداری کی سب سے چھوٹی بیٹی ہیں۔

آصف زرداری نے آصفہ کو سیاست میں لانے کا اعلان کیا تھا ،امید کی جا رہی تھی کہ آصفہ بھٹو عام انتخابات میں حصہ لیں گی تاہم آصفہ کے کہیں سے بھی کاغذات نامزدگی جمع نہیں کروائے گئے تھے.31 مارچ 2022کو سابق صدر آصف زرداری نے کہا تھا کہ آصفہ بھٹو کو اگلے انتخابات میں پارلیمانی سیاست میں لے کر آؤں گا، اب ضمنی انتخابات میں آصفہ زرداری الیکشن لڑیں گی اور جیت جائیں گی

آصفہ بھٹو زرداری سابق صدر آصف علی زرداری کے تین بچوں میں سب سے چھوٹی ہیں۔ ان کی پیدائش 3 فروری 1993 کو لندن میں ہوئی تھی تاہم اب وہ اپنی فیملی کے ساتھ پاکستان میں مقیم ہیں اور سیاسی سرگرمیوں میں حصہ لیتی رہتی ہیں۔آصفہ بھٹو زرداری گزشتہ کچھ سالوں سے خواتین کے حقوق کے حوالے سے کام کرتی آرہی ہیں تاہم ان کی سیاست میں باضابطہ انٹری پی ڈی ایم کے ملتان جلسے سے ہوئی تھی جس میں انہوں نے اپنے سیاسی کریئر کی پہلی تقریر کی تھی

آصفہ نے لانگ مارچ کی قیادت بھی کی تھی اور کراچی سے اسلام آباد بلاول کے ہمراہ تھیں،راستے میں ڈرون سے زخمی بھی ہوئی تھیں.

8 فروری ووٹ کی طاقت سے بلاول کو وزیر اعظم بنانا ہے،آصفہ بھٹو

 آصفہ بھٹو زرداری نے کراچی کے علاقے ابراہیم حیدری پہنچ کر خطاب کیا،

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

 آصفہ بھٹو زرداری کو فرسٹ لیڈی بنانےکا اصولی فیصلہ