دبئی:اشرف غنی عرب امارات کے خصوصی مہمان یا سیاسی پناہ:اہم وجہ سامنے آگئی ،اطلاعات کے مطابق متحدہ عرب امارات نے تصدیق کی ہے کہ افغانستان کے سابق صدر اشرف غنی امارات میں موجود ہیں۔
باغی ٹی وی کومتعبرذرائع سے ملنے والی اطلاعات میں بتایا گیا ہے کہ اشرف غنی کوامریکہ کی ہدایت پرعرب امارات نے خصوصی مہمان کے طورپرقبول کرلیا ہے
ادھراس کے برعکس غیرملکی خبررساں ادارے کے مطابق متحدہ عرب امارات نے اشرف غنی کو پناہ دے دی ہے۔اس حوالے سے اماراتی وزارت خارجہ نے تصدیق کی کہ افغان صدر اشرف غنی اور ان کےاہلخانہ متحدہ عرب امارات میں ہیں۔
اماراتی وزارت خارجہ کے مطابق انسانی بنیادوں پر اشرف غنی کا متحدہ عرب امارات میں خیرمقدم کیا۔
خیال رہے کہ افغانستان کے دارالحکومت کابل میں طالبان کے داخلے کے بعد سابق صدر اشرف غنی ملک سے فرار ہوگئے تھے۔یاد رہے کہ ان کے فرار کے بعد رپورٹس سامنے آئیں تھیں کہ وہ تاجکستان فرار ہوئے تاہم تاجک وزارت خارجہ نے تردید کی تھی۔
