پاکسستان ہاکی ٹیم کو جاپان نے 3-2 سے شکست دے کر فائنل کے دوڑ سے باہر کر دیا، مین ان گرین نے پانچویں منٹ میں ارشد لیاقت کے ایک گول کے بعد برتری حاصل کر لی لیکن جاپان نے چھٹے اور 17ویں منٹ میں بالترتیب تاناکا کیتو اور فوکوڈا کینٹارو کے ذریعے دو تیز گول کر کے میچ پر قابو پالیا۔ فوجیشیما رائکی نے 28ویں منٹ میں جاپان کی برتری کو 3-1 سے بڑھا دیا۔ تاہم، ارباز احمد کے گول سے پاکستان جلد ہی میچ میں واپس آگیا۔ فائنل کوارٹر میں دونوں ٹیموں کی جانب سے مزید گول کرنے کے باوجود، میچ جاپان کے حق میں 3-2 سے ختم ہوا۔ پاکستان اب 6 اکتوبر کو پانچویں اور چھٹی پوزیشن کے لیے پول بی میں تیسری پوزیشن کی ٹیم سے ٹکرائے گا۔
اس سے قبل، پاکستان کے ہیڈ کوچ اور ٹیم منیجر سعید خان نے ہفتے کے روز بھارت کے خلاف 10-2 کی شرمناک شکست پر قوم سے معافی مانگی تھی۔
اس نے کہا تھا کہ "میں ہندوستان کے خلاف اس بڑی شکست پر قوم سے معافی مانگتا ہوں۔ ہم ہندوستان کے خلاف اتنے بڑے مارجن سے کبھی نہیں ہارے”۔
میں ٹیم کا ممبر تھا جب ہم نے 1982 میں نئی دہلی میں منعقدہ ایشین گیمز میں ہندوستان کو 7-1 سے شکست دی تھی۔ اگرچہ ہم دنیا میں تیسرے نمبر کی طاقتور ہندوستانی ٹیم کے خلاف شکست کی توقع کر رہے تھے، لیکن ہم نے اتنے بڑے مارجن سے ہارنے کا کبھی نہیں سوچا تھا۔ ”
واضح رہے کہ پاکستان نے ایشین گیمز کا آغاز سنگاپور، بنگلہ دیش اور ازبکستان کے خلاف تین شاندار جیت کے ساتھ کیا۔
