آصف زرداری کراچی کیوں نہ جاسکے

آصف زرداری کراچی کیوں نہ جاسکے

باغی ٹی وی رپورٹ: پاکستان پیپلز پارٹی کے سینئر رہنما فرحت اللہ بابر نے کہا ہے کہ سابق صدر آصف زرداری اس وقت آرام کر رہے ہیں، انہیں کراچی منتقل کرنے کا شیڈول تاحال طے نہیں ہو سکا۔

اپنے بیان میں ان کا کہنا تھا کہ سابق صدر کو کراچی منتقل کرنے سے متعلق انتظامات کئے جا رہے ہیں۔

اس سے قبل یہ خبر سامنے آئی تھی کہ سابق صدر کو طبی معائنے کے بعد ڈاکٹرز کی ہدایت کے مطابق آج اسلام آباد سے کراچی منتقل کیا جائے گا۔

شریک چیئرمین پیپلزپارٹی نے رہائی کے بعد گزشتہ رات کا قیام زرداری ہائوس اسلام آباد میں کیا تھا،موسم ٹھیک نا ہونے کہ باعث سابق صدر گزشتہ روز رہائی کہ بعد کراچی روانہ نا ہوسکے تھے۔

یاد رہے گزشتہ چند دن قبل احتساب عدالت اسلام آباد نے ایک ایک کروڑ روپے کے دو ضمانتی مچلکے جمع کرانے کے بعد سابق صدر آصف علی زرداری کی رہائی کا پروانہ جاری کیا تھا۔
واضح‌رہے آصف زرداری کی چند دن قبل عدالت نے ضمانت منظور کی تھی، طبی بنیادوں پر آصف زرداری کی ضمانت منظور کی گئی تھی، آج عدالت میں مچلکے جمع کروائے گئے جس کے بعد عدالت نے روبکار جاری کی اور آصف زرداری کو رہا کر دیا گیا، آصف زرداری رہائی کے بعد ہسپتال سے زرداری ہاؤس روانہ ہوں گے، آصف زرداری پمز میں زیر علاج تھے جہاں پمز کو سب جیل قرار دیا گیا تھا.