اسلام آباد: پاکستان کی خاتونِ اول آصفہ بھٹو زرداری نے سالِ نو کے حوالے سے عوام کیلئے پیغام جاری کیا ہے-
باغی ٹی وی: سابق وزیراعظم پاکستان بے نظیر بھٹو اور موجودہ صدر مملکت آصف علی زرداری کی صاحبزادی آصفہ بھٹو زرداری نے سوشل میڈیا پر #SayNoToAerialFiring اور #CelebrateResponsibly کے ٹرینڈزکے تحت پیغام جاری کیا ہے، جس میں انہوں نے عوام سے سال ِ نو کے موقع پر ہوائی فائرنگ سے گریز کی اپیل کی ہے۔
آصفہ بھٹو زرداری نے عوام سے اپیل کی ہے کہ نئے سال کی تقریبات کے دوران ہوائی فائرنگ سے گریز کریں مہم کا مقصد ہوائی فائرنگ کے نتیجے میں انسانی جانوں کو خطرات کے بارے میں آگاہی پیدا کرنا ہے۔
دشمنوں کے لا حاصل عزائم ہر صورت ناکام ہوں گے،سرفراز بگٹی
عوام اور سوشل میڈیا صارفین کی جانب سے خاتون اول آصفہ بھٹو زرداری کی مہم کی تعریف کی جا رہی ہےآصفہ بھٹو زرداری کی جانب سے پیغام کے ساتھ ہی مہم کو تیزی ملی اور سوشل میڈیا صارفین اس ٹرینڈ کا حصہ بن کر #SayNoToAerialFiring کا پیغام شیئر کررہے ہیں۔
سال 2025 کا نیوزی لینڈ سے آغاز، شاندار آتش بازی
سندھ کے سینئر وزیر شرجیل انعام میمن نے بھی آصفہ بھٹو زرداری کے پیغام کے تحت عوام سے ہوائی فائرنگ سے گریز کی اپیل کرتے ہوئے کہا ہے کہ سال نو خوشی کا موقع ہے ، ہوائی فائرنگ معصوم جانوں کو خطرے میں ڈالتی ہے، ہماری اجتماعی ذمے داری ہے کہ نیا سال محفوظ اور خوشی سے منایا جائے،حکومت ایسے واقعات کی روک تھام کے لیے سخت اقدامات کر رہی ہے عوام محفوظ ماحول پیدا کرنے میں ہاتھ بٹائیں۔
