آصف زرداری و دیگر کیخلاف جعلی اکاؤنٹس ریفرنس کی سماعت ملتوی
باغی ٹی وی کی رپورٹ کے مطابق احتساب عدالت اسلام آباد میں سابق صدر آصف علی زرداری، فریال تالپور اور دیگر ملزمان کیخلاف جعلی بینک اکاؤنٹس ریفرنس کی سماعت 19 نومبر تک ملتوی کر دی گئی
ریفرنس کی سماعت احتساب عدالت اسلام آباد کے جج اعظم خان نے کی ،سابق صدر آصف علی زرداری اور فریال تالپور کی جانب سے دائر حاضری سے استثنی کی درخواست منظورکر لی گئی،پولیس کی جانب سے گرفتار ملزم حسین لوائی کو عدالت کے روبرو پیش نہیں کیا جا سکا
گزشتہ سماعت پر بھی وکلاء کی ہڑتال کے باعث ملزم حسین لوائی کے وکیل عدالت میں پیش نہ ہوسکے ، ملزم ارشد تبریز بھی عدالت میں پیش نا ہوئے .ارشد تبریز آئیسولیشن میں ہونے کی وجہ سے پیش نا ہوسکے
عدالت نے حکم دیا کہ ارشد تبریز اپنا جونئیر وکیل مقرر کریں کہ انکے غیر موجودگی میں گواہ کا بیان ریکارڈ کریں،آئندہ سماعت پر ملزمان کا بیان قلم بند کیا جائے گا
واضح رہے کہ سال 2015 کے جعلی اکاؤنٹس اور فرضی لین دین کے مقدمے کے حوالے سے سابق صدر اور پاکستان پیپلز پارٹی (پی پی پی) کے شریک چیئرمین آصف زرداری، ان کی بہن فریال تالپور اور بڑے بڑے کاروباری شراکت داروں سے تحقیقات کی جارہی ہیں، اس سلسلے میں ایف آئی اے نے ابتدائی طور پر معروف بینکر حسین لوائی کو گرفتار کیا تھا، جس کے بعد گزشتہ اگست میں جعلی اکاؤنٹس کیس میں ہی اومنی گروپ کے چیئرمین انور مجید اور ان کے بیٹے عبدالغنی مجید کو بھی گرفتار کر لیا گیا تھا۔
7 ستمبر 2018 کو سپریم کورٹ نے سابق صدر مملکت اور ان کی بہن کی جانب سے مبینہ طور پر جعلی اکاؤنٹس کے ذریعے اربوں روپے کی منی لانڈرنگ کیے جانے کے مقدمے کی تحقیقات کے لیے جوائنٹ انویسٹی گیشن ٹیم (جے آئی ٹی) تشکیل دی تھی۔
میں ملنے گئی تو زرداری وہیل چیئر سے اٹھے، پولیس نے کہا دفعہ ہو جاؤ، آصفہ بھٹو
آصف زرداری کا طبی معائنہ، کونسی بیماری اور ڈاکٹر نے کیا تجویز کیاِ؟
آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی
جعلی اکاؤنٹس کیس میں نیب نے ملزمان سے اب تک 11 ارب 16 کروڑ روپے کی ریکوری کر لی گئی ،کراچی اسٹیل مل کی 10ارب 66کروڑکی اراضی ملزمان سے واپس لے لی،اراضی کراچی اسٹیل مل کو واپس بھی کر دی گئی،ایک اور ملزم سے پلی بار گین کی مد میں 48کروڑ روپے بھی وصول کئے گئے،
