پاکستان میوزک انڈسٹری کے معروف گلوکار عاصم اظہر کے نئے گانے کی مختصر دورانیے کے ویڈیو کلپ نے سوشل میڈیا پر دھوم مچا دی ہے۔
باغی ٹی وی :عاصم اظہر نے سماجی رابطے کی ویب سائٹ انسٹاگرام پر اپنے نئے آنے والے گانے کی ایک مختصر ویڈیو کلپ شیئر کی ہے گلوکار کی جانب سے پوسٹ کی جانے والی ویڈیو میں دیکھا جاسکتا ہے کہ گانا گنگناتے ہوئے اُن کی آنکھیں نم ہیں۔
https://www.instagram.com/p/CE9QdHzJYE6/?utm_source=ig_embed&utm_campaign=loading
گلوکار نے اپنی پوسٹ کے کیپشن میں اپنے نئے گانے کے بول بھی لکھے:
تُم تھے وہ اجنبی تھے سامنے لاپتہ
جتنا ملتے گئے ہوتے گئے جُدا
اُنہوں نے اپنی پوسٹ کے کیپشن میں ہیش ٹیگ ’نیو سانگ‘ بھی استعمال کیا۔
عاصم اظہر کے نئے گانے کی ویڈیو کلپ پر صبا قمر نے بھی گلوکار کی تعریف کی اور کمنٹ میں گانے کے لیے اپنی پسندیدگی کا اظہار کرتے ہوئے لکھا ’اُف‘ اور اداکارہ نے اپنے کمنٹ میں دل والے ایموجی کا بھی استعمال کیا۔
صبا قمر کے کمنٹ کے جواب میں عاصم اظہر نے دل والے ایموجی کے ساتھ ’جگر‘ لکھا۔
مہرین سید نے بھی گلوکار کے گانے کی تعریف کی انہوں نے بھی دل والے ایموجی کا استعمال کیا جس پر عاصم اظہر نے شکریہ کہا –
مداحوں کی جانب سے بھی گلوکار کے اس ویڈیو کلپ کو خوب سراہا گیا مداحوں کے مطابق وہ عاصم اظہر کے گانے کا بے صبری سے انتظار کر رہے ہیں-
