پرائیویٹ سکولوں کی جانب سے من مانی فیس وصولی کرنے کے خلاف "اے ایس پی اے” کا ملک گیر احتجاج

آل سکول پیرینٹس ایسوسی ایشن نے پرائیویٹ سکولوں کی جانب سے من مانی فیس وصول کرنےاور سپریم کورٹ کے حکم کے باجود فیسیں کم نہ کرنے کے خلاف مک گیر احتجاج کی کال دے دی.
آل سکول پیرینٹس ایسوسی ایشن کی طرف سے پرائیویٹ اسکولوں کی طرف سے من مانی اور بھاری فیسیں لینے کے خلاف ملک گیر احتجاج 21 ستمبر کو کیا جارہا ہے . اس سلسلے میں آل سکول پیرینٹس ایسوسی ایشن نے ملک گیر احتجاج کو ملک کے تین بڑے اور مین شہروں‌میں‌منعقد کرنے کی کال دی ہے .. کراچی ، اسلام آباد اور لاہور میں یہ احتجاج کیا جار ہے ، اسلام آباد پریس کلب ، کراچی پریس کلب اور لاہور میں لبرٹی گول چکر کے مقام پر یہ ملک گیر احتجاج کیا جائے گا. اس احتجاج میں ملک بھر کے والدین سے اپیل کی گئی ہےکہ وہ اسکولوں اور تعلیمی اداروں کی من مانی فیسوں‌کی وصولی کے خلاف بھرپور احتجاج کریں اور حکومت پر زور دیں کے وہ سپریم کورٹ کے حکم پر عمل درآمد کرائے.
سکول فیس میں اضافے کے سلسلے میں وزیر اعظم سٹی زن پورٹل میں شکایت کی وجہ سے ڈسٹرکٹ ایجوکیشن اتھارٹی لاہور نے بیکن ہاؤس گلبرگ 3 کے مالک اور پرنسپل کو 21 ستمبر کو طلب کیا ہے . جس کے نوٹیفکیشن کی کاپی درج ذیل ہے.

واضح رہے کہ سپریم کورٹ میں پرائیویٹ سکولز کی طرف سے زائد فیس وصولیوں کیخلاف کیس کی سماعت پر عدالت نے 21 پرائیویٹ سکولز کو بیس فیصد فیسوں میں کمی کا حکم دے دیا ہے اور 2 ماہ کی چھٹیوں کی فیس کا 50 فیصد والدین کو واپس کرنے کا حکم بھی دیا۔
لیکن حکومت سندھ سمیت دیگر صوبوں کی حکومتیں سپریم کورٹ کے ان حکام پر عمل درآمد کرانے سے قاصر ہیں.سپریم کورٹ کے اس فیصلے پر عمل درآمد کےلیے آل سکول پیرینٹس ایسوسی ایشن 21 ستمبر کو بھر پور احتجاج کرنے جارہی ہے جس میں والدین کو شرکت کی بھر دعوت دی گئی ہے.