اسمبلی کے فلور پر ایسا کیا ہوا جو سپیکر ایاز صادق برہم ہوئے؟

ایوان میں پانی بھی پینا ہو تو اس کے لیے باقاعدہ اجازت لی جاتی ہے یہ جملہ بولا گیا سپیکر ایاز صادق کی جانب سے جب ایک ممبر اسمبلی کے فلور پر سگریٹ نوشی پر کر رہا تھا اسپیکر قومی اسمبلی ایاز صادق نے برہمی کا اظہار کرتے ہوئے کہا کہ ہوئے کہا کہ پہلی مرتبہ پاکستان کی قومی اسمبلی کی تاریخ میں ایک ممبر نے فلور پہ سگرٹ پی، یہ پارلیمانی تاریخ کا پہلا واقعہ ہے۔ایاز صادق نے ارکان اسمبلی کو مخاطب کرتے ہوئے کہا کہ سوشل میڈیا کے لوگوں پر اسمبلی کے اندر ویڈیو بنانے پر پابندی ہے، گیلریز ایوان کے ہال کا حصہ اور صرف ممبرز کے لیے ہیں، نان ممبرز گیلریز اور لابیز میں گھس نہیں سکتا، مہمانوں کی گیلیریوں میں لوگ بیٹھ کر ٹک ٹاک بناتے ہیں، آئندہ تمام لوگ ان باتوں کا خیال رکھے، اگر آئندہ ایسا ہوا تو سخت ایکشن لیں گے۔اُن کا مزید کہنا تھا کہ میری خواہش تھی کہ آپ بھی اپنی قرار داد لے کرآتے، میری خواہش تھی کہ آپ کی قرار داد منظور کرواتا، مجھے آپ کے قرارداد پیش نہ کرنے پر افسوس ہے۔ دوسری جانب شیر افضل مروت کا کہنا ہے کہ میں نے سیگرٹ نہیں پی ،سپیکر قومی اسمبلی نے ٹک ٹاک کی خبر پر الزام لگایا ہے ۔ بانی پاکستان تحریک انصاف عمران خان کے وکیل شیر افضل مروت کا کہنا ہےکہ سپیکر کے اس جھوٹ پر ان کیخلاف تحریک استحقاق جمع کروا رہا ہوں ،سپیکر قومی اسمبلی اس معاملے پر معافی مانگیں ، پورے پاکستان کو پتہ ہے کہ میں سیگرٹ پیتا ہوں ،ٹک ٹاک پر انہیں اس لیے مسئلہ ہے کیوں کہ ان کے ساتھ کوئی ٹک ٹاک نہیں بناتا ،سپیکر چاہتا ہے کہ یہاں صرف ن لیگ والوں کے مہمان آئین تاکہ ان کی بلے بلے ہو۔