کندھ کوٹ :سیلاب اور بارشوں سے جاں بحق ہونے والے مزید ایک فرد کے لواحقین کو امدادی چیک دیا گیا

باغی ٹی وی ،کندھ کوٹ(نامہ نگار) سیلاب اور بارشوں سے جاں بحق ہونے والے مزید ایک فرد کے لواحقین کو امدادی چیک دیا گیا
تفصیل کے مطابق حکومت سندھ کے اعلان کے مطابق ڈپٹی کمشنر منور علی مٹھانی نے ضلع کشمور میں سیلاب اور بارشوں سے جاں بحق ہونے والے مزید ایک فرد غلام علی کے لواحقین کو امدادی چیک دیاگیا ۔ اس موقع پر ڈپٹی کمشنر منور علی مٹھیانی کا کہنا تھا کہ حکومت سندھ نے سیلاب اور بارشوں سے جاں بحق ہونے والے افراد میں فی کس 10 لاکھ روپے تقسیم کرنے کا عمل شروع کر دیا ہے، پہلے مرحلے میں ضلع کشمور میں 08 متوفی کے ورثا میں چیک تقسیم کیے گئے جبکہ آج مزید 01 متوفی کے ورثا میں چیک دیا گیا ہے مزید ورثاء میں چیک تقسیم کیے جائیں گے۔ واضح رہے کہ ضلع کشمور میں حالیہ سیلاب اور بارشوں کے باعث 31 انسانی جانیں ضائع ہوئی تھیں۔