افسوسناک حادثے میں 8 بھینسیں ڈوب کر ہلاک ہوگئیں

افسوسناک حادثے میں 8 بھینسیں ڈوب کر ہلاک ہوگئیں

باغی ٹی وی : افسوسناک حادثے میں 8 بھینسیں ڈوب کر ہلاک ہوگئیں تفصیلات کے مطابق یہ افسوسناک واقعہ بدھ کے روز دوپہر اس وقت پیش آیا جب مقامی زمیندار کی دس بھینسیں ساہیوال کے علاقے قادرآباد میں نہرلوئرباری دوآب کے اندر داخل ہوگئیں لیکن نہر کے کنارے پختہ ہونے اور قریبی ہی بنی جھال کی وجہ سے پانی کے تیز بہاؤ میں پھنس کر رہ گئی،مقامی افراد نے بھینسیوں کو نکالنے کی کوشش تو کی لیکن اس دوران 8 بھینسیں ڈوب کر ہلاک ہوگئیں جبکہ دو بمشکل باہر نکلنے میں کامیاب ہوسکیں،ہلاک شدہ بھینسوں کی مالیت کئی لاکھ بتائی جارہی ہے واضح رہے کہ ساہیوال سے گزرنے والی نہر لوئرباری دوآب میں اس قسم کے حادثات پہلے بھی پیش آتے رہے ہیں جبکہ پابندی کے باوجود زمیندار اپنے جانوروں کو پانی پلانے اور نہلانے کے لیے نہر میں داخل کرنے سے باز نہیں آتے