رتھ فاءو سول اسپتال میں ایڈوانس ہرنیا لیپرو اسکوپک آپریشن کیلئے ورکشاپ کا اہتمام

رتھ فاءو سول اسپتال میں ایڈوانس ہرنیا لیپرو اسکوپک آپریشن کیلئے ورکشاپ کا اہتمام

کراچی ۔ 23 جولائی (اے پی پی) ہرنیا کے ایڈوانس لیپرو اسکوپک طریقے سے آپریشن کے لئے کراچی کے بعد اب حیدر آباد، سکھر اور لاڑکانہ کے سرکاری اور نجی طبی اداروں کے پوسٹ گریجویٹ اسٹوڈینٹس اور سرجنز کے لئے ورکشاپ منعقد کی گئی ۔ منگل کو جاری کردہ اعلامیہ کے مطابق ڈاءو یونیورسٹی آف ہیلتھ سائنسز کے زیرِ اہتمام ڈاکٹر کے ایم رتھ فاءو سول اسپتال کراچی کے او ٹی کمپلیکس میں منعقد دو روزہ ورکشاپ میں کراچی سمیت اندرون ِ سندھ کے پوسٹ گریجویٹ سرجری کے 90 طلبا (ڈاکٹرز) نے شرکت کی جن کا تعلق سرکاری اور مختلف نجی طبی اداروں سے ہے ۔ ورکشاپ کے ماسٹر ٹرینر لیپرواسکوپک سرجن پروفیسر ممتاز مہر اور برطانیہ کے سالفورڈ رائل فاءونڈیشن اسپتال مانچسٹر کے ڈاکٹر خورشید اختر نے شرکا کو کیمروں کے ذریعے براہ راست ہرنیا سے متعلق خصوصی مہارت سکھائی ۔ ڈاءو یونیورسٹی کے ڈیپارٹمنٹ آف سرجری کے چیئرمین پروفیسر ڈاکٹر فواد موسٰی اور ڈاءو یونیورسٹی کی ٹیم نے کورس کے انتظامات کئے ۔ ڈاءو یونیورسٹی کے وائس چانسلر پروفیسر محمد سعید قریشی نے کورس کی نگرانی کی اور شرکاء میں اسناد تقسیم کیں جبکہ ماسٹر ٹرینر پروفیسر ممتاز مہر اور ڈاکٹر خورشید اختر کو شیلڈز پیش کیں ۔ اس موقع پر پروفیسر فواد موسٰی نے بتایا کہ ہرنیا ہر عمر کے افراد میں ہونے والا ایک عام مسئلہ اور اس کی مختلف پیچیدگیوں کا سبب بننے کے خدشات رہتے تھے جبکہ لیپرواسکوپک آپریشن کے ذریعے بعد ازاں آپریشن درد کم اور ریکوری جلدی ہوتی ہے ۔ انہوں نے بتایا کہ روایتی طریقے سے ہرنیا کے آپریشن کے بعد اس کے دوبارہ ہونے کے خطرات زیادہ ہوتے ہیں جبکہ ایڈوانس لیپرواسکوپک آپریشن کے ذریعے اس کے دوبارہ ہونے کے خطرات نہایت کم ہوجاتے ہیں ۔ انہوں نے بتایا کہ ایڈوانس لیپرواسکوپک کی ہول تیکنیک کے ذریعے آپریشن کے زخم کا نشان بہت خفیف رہتا ہے ۔