عاطف اسلم اپنے مداح سے متاثر ،مداح کو منفرد پیشکش کردی

پاکستان میوزک انڈسٹری کےعالمی شہرت یافتہ گلوکار عاطف اسلم نے اپنے ایک میٹرک کے طالب علم مداح کو اپنے ساتھ گانا گانے کی پیشکش کردی۔

باغی ٹی وی :عاطف اسلم نے اپنے ایک مداح طالب علم اور گلوکار حذیفہ خان کے انٹرویو کا ایک کلپ اپنے انسٹاگرام پر شئیرکیا ویڈ یو میں دیکھا جا سکتا ہے عاطف اسلم سے متاثر میٹرک کے طالب علم حذیفہ خان کا کہنا ہے کہ جب سے ہوش سنبھالا ہے مجھے گلوکاری کا شوق ہے میں شروع ہی سے عاطف اسلم سے متاثر تھا کچھ بھارتی گلوکاروں سے بھی متاثر تھا، میں کافی وقت سے ان کو سنتا آ رہا ہوں اور ان کو کاپی کر رہا ہوں۔

حذیفہ کا اپنے انٹرویو میں کہنا تھا کہ وہ پاکستانی موسیقار ندیم جعفری کی سر پرستی میں موسیقی سیکھ رہے ہیں حذیفہ نے ان سے بہت کچھ سیکھا ندیم جعفری ہی نے حذیفہ کو پہلا موقع فراہم کیا اور انہوں نے اپنی گلوکاری کے جوہر دکھائے۔

سوشل میڈیا پر مقبولیت کے بارے میں حذیفہ نے کہا کہ انہوں نے ایک وہاج حنیف نامی گلوکار کر کہا کہ مجھے آپ کے ساتھ ویڈئیو جرنا یے انہوں نے بہت اچھا رسپانس دیا اور ہم نے ویڈیو جسے سوشل میڈیا پر بہت اچھا رسپانس ملا-

حذیفہ کا کہنا تھا کہ انہیں اپنے کیرئیر میں بیت زیادہ رکاوٹیں بھی آئیں اور انہیں بہت بار ریجیکٹ بھی کیا گیا حذیفہ نے ساتھ ہی کہا کہ ریجیکٹ ہوں گے تو کچھ سیکھیں گے-

حذیفہ خان کا مزید کہنا تھا کہ اگر عاطف اسلم اچانک ان کے سامنے آ جائیں اور انہیں ان کے سامنے پرفارم کرنا پڑے تو یہ ان کے لیے بہت بڑی بات ہوگی اور ایک دم سے ڈر بھی لگے گا-

حذیفہ کے انٹرویو کا ایک کلپ عاطف اسلم نے اپنے انسٹاگرام اکاؤنٹ پر شیئر کرتے ہوئے کہا کہ اس باصلاحیت نوجوان لڑکے کے گانے کی صلاحیت نے مجھے بہت متاثر کیا ہے۔

انہوں نے حذیفہ کو اپنے ساتھ گانے کی پیشکش بھی کی اور اپنی پوسٹ میں حذیفہ کو ٹیگ کرتے ہوئے اُن کی حوصلہ افزائی بھی کی۔

محفل میلاد مصطفیٰﷺ میں عاطف اسلم کے پڑھے گئے نعتیہ کلام کی ویڈیو سوشل میڈیا پر…