وزیر اطلاعات عطاءاللہ تارڑ کی ترکیہ کے صدارتی ہیڈ آف کمیونیکیشنز پروفیسر فحرتین التون سے ملاقات ہوئی ہے.
ملاقات کے دوران میڈیا کے شعبے میں تعاون کو مضبوط بنانے، عوامی سفارتکاری کو فروغ دینے پربات چیت کی گئی، اسلاموفوبیا اور مس انفارمیشن کے خاتمے، میڈیا وفود کے تبادلوں سے متعلق گفتگو کی گئی،ملاقات کےدوران مشترکہ پروڈکشنز کی تیاری سمیت اہم امور پر تبادلہ خیال کیا گیا، مشترکہ پروڈکشنز کی تیاری سے دونوں ممالک کی ثقافتوں کا آپس میں تبادلہ ہوگا.پی ٹی وی اور ”ٹی آر ٹی“ کی مشترکہ نشریات سمیت ارطغرل غازی جیسے ڈرامے پاکستان میں دکھانے پر اتفاق کیا گیا، ورکنگ گروپ کی تشکیل اور دونوں اطراف سے فوکل پرسن نامزد کرنے پر بھی اتفاق کیا گیا،ملاقات میں تفریح اور سیاحت کے شعبے میں تعاون اور مشترکہ منصوبوں پر بھی تبادلہ خیال کیا گیا،
وفاقی وزیر اطلاعات عطا تارڑ کا کہنا تھا کہ پاکستان اور ترکیہ کے درمیان تاریخی اور برادرانہ تعلقات ہیں. دونوں ممالک کے درمیان میڈیا کے شعبے میں تعاون کے وسیع امکانات موجود ہیں.میڈیا تعاون سے عوامی سطح پر روابط مزید مستحکم ہوں گے.نوجوان نسل کو پاکستان اور ترکیہ کے مابین تاریخی تعلقات سے آگاہی فراہم کرنا ہو گی .وفاقی وزیر اطلاعات عطاءاللہ تارڑ نے پروفیسر فحرتین التون کو پاکستان کے دورہ کی دعوت دی، پروفیسرفحرتین التون نے پاکستان میں میڈیا کی ترقی میں گہری دلچسپی کا اظہار کیا اور کہا کہ ترک ڈرامہ ارطغرل غازی نے پاکستان میں بہت مقبولیت حاصل کی.پاکستانی فنکاروں اور موسیقاروں کو ترکیہ میں بہت پسند کیا جاتا ہے.مشترکہ میڈیا تعاون سے اسلامو فوبیا اور مس انفارمیشن کے خلاف جنگ میں مدد ملے گی،وفاقی وزیر عطاءاللہ تارڑ نے ترک میڈیا پر کشمیر کے حوالے سے کوریج پر پروفیسر فحرتین التون کا شکریہ ادا کیا
