کراچی :ہندومندرپرحملہ:شرپسندوں کی مذمت کرتاہوں،نفرت نہیں امن کا درس دینا چاہیے:اطلاعات کے مطابق چیئرمین پی پی پی بلاول بھٹو زرداری نے رحیم یار خان میں ہندو برادری کے مندر میں تخریب کاری کرنے والے عناصر کی مذمت کرتے ہوئے اسے ناقابل قبول قراردیا ہے
بلاول بھٹو نے اس موقع پر کہا کہ مذہبی رواداری ہمارے خطے کی روایتوں کا حصہ ہے، عدم برداشت کے مظاہرے ہماری تہذیب کے منافی ہیں،
چیئرمین بلاول بھٹو زرداری کا کہنا تھا کہ اقلیتوں کا تحفظ ریاست کی بنیادی ذمہ داری ہے، جب انتہاپسند مندر پر حملے کررہے تھے تو انتظامیہ کہیں نظر نہیں آئی،
چیئرمین بلاول بھٹو زرداری نے مزید کہا کہ ہندو برادری کے افراد کو اپنی عبادت گاہ کی توہین سے نہ صرف ٹھیس پہنچی بلکہ عدم تحفظ کے احساس میں بھی اضافہ ہوا،
چیئرمین بلاول بھٹو زرداری نے کہا کہ اگر ہم ملک میں آباد چند فیصد اقلیتی برادری کو تحفظ کا احساس نہیں دے سکتے تو یہ اکثریتی آبادی کے لئے ایک لمحہ فکریہ ہے،
چیئرمین بلاول بھٹو زرداری کا کہنا تھا کہ انتہاپسندوں نے بھونگ میں مندر کو نقصان پہنچا کر قومی پرچم میں اقلیتوں کی نمائندگی کرتے سفید حصے کی بھی توہین کی ہے،
چیئرمین بلاول بھٹو زرداری نے مزید کہا کہ انتظامیہ وسیب میں ہوئے دل دہلادینے والے افسوس ناک سانحے کے ذمہ داران کو کٹہرے میں لاکر انہیں عبرت کا نشان بنائے،
