Ayesha Rehmani
فلوریڈا: امریکا میں سنہرے بالوں والی عورت کا روپ دھار کر چوی کرنے والے شخص کو پولیس نے گرفتار کر لیا-
باغی ٹی وی : عالمی میڈیا کے مطابق فلوریڈا سے تعلق رکھنے والے 33 سالہ شہری کو حال ہی میں ایک کشتی چوری کرنے کے شبہ میں گرفتار کیا گیا ملزم کی شناخت جوشوا کولوٹکا کے نام سے ہوئی ہے جنہیں ایک کشتی چوری کرنے کے الزام میں گرفتار کیا گیا ہے، پولیس ملزم کو پکڑنے کے لیے علاقے کی چھان بین کررہی تھی جب اسی دوران انہوں نے ایک سنہرے بالوں والی عورت کو دیکھا جس نے ہلکے نیلے رنگ کے لباس پر سفید کوٹ پہنا ہوا تھا اور بڑا چشمہ لگا کر گھر سے نکل رہی تھی، پولیس نے اسے روکا اور فوراً ہی سمجھ گئے کہ عورت دراصل ایک مرد ہے اور تفتیش کے بعد وہ ملزم جوشوا ہی نکلا جسکی انہیں تلاش تھی جوشوا کو فوراً حراست میں لے لیا گیا۔
پاکستان کو خوشحال اور پرامن ملک بنانے کیلئے ہمیں کردار ادا کرنا ہوگا،ترجمان پاک فوج
پولیس ڈیپارٹمنٹ نے اپنی پریس ریلیز میں بتایا کہ انہوں نے جوشوا کولوٹکا کو عورت کا بھیس بدل کر ایک رہائش گاہ سے باہر نکلتے ہوئے دیکھا،مشتبہ شخص کے گھر سے چوری کی گئی متعدد دیگر اشیا بھی ملی ہیں، تفتیش کار اب چوری کی دیگر وارداتوں سے جُڑے واقعات کی بھی تفتیش کریں گے۔
