پیپلز پارٹی کے چیئرمین،وزیر خارجہ بلاول زرداری نے کہا ہے کہ سرجیکل کمپلیکس کی بنیاد رکھ رہا ہوں،صحت کی سہولیات فراہم کرنا ہماری ترجیحات میں شامل ہیں،18ویں ترمیم کے بعد صحت صوبوں کا معاملہ ہے
تقریب سے خطاب کرتے ہوئے وزیر خارجہ بلاول زرداری کا کہنا تھا کہ لانڈی میں سرجیکل کمپلیکس کی بنیاد رکھ رہا ہوں، پیپلزپارٹی نے اپنے دورمیں ہمیشہ صحت کو بجٹ میں ترجیح دی ہے،پہلے مریضوں کو پیسے بھر کے علاج کروانا پڑتا تھا، 2015 سے ہمیں یہ ذمہ داری ملی ہے،معاشی صورتحال کا تعلق صحت سے نہیں ہونا چاہیے،جو بجٹ ادارے کو ملا، اس کے اندررہ کر مریضوں کو مفت علاج دینا شروع کردیا،پاکستان پیپلز پارٹی سوچتی ہے، سی صوبے یا ملک کی حکمرانی ملے تو مینڈیٹ حلقے تک محدود نہیں ہوتا،پیپلزپارٹی نے کراچی کے ہرضلعے میں صحت کی سہولیات پر توجہ دی ،ہم نے مختلف اضلاع میں سیٹلائٹ سسٹمز کھولے ہیں، وہاں بھی دل کا علاج مفت ہوتا ہے،کراچی میں چیسٹ پین یونٹس 17ہیں،ہم نے نہ صرف کراچی میں دنیا کا بڑا دل کےعلاج کا اسپتال بنایا بلکہ ایک نیٹ ورک قائم کیا ،جو پیپلز پارٹی کی کردار کشی میں لگے رہتے ہیں،این آئی سی وی ڈی اُن کا منہ توڑ جواب ہے سندھ کا پیسہ عوام کے لیے دل کا مفت علاج کروانے میں استعمال کر رہے ہیں،
وزیر خارجہ بلاول زرداری کا مزید کہنا تھا کہ پنجاب اورخیبر پختونخوا میں صحت کارڈ کے نام سے دھوکا چل رہا تھا، وہ پنجاب اورخیبرپختونخواکے بجٹ پر ڈاکہ مارتے ہیں، صحت کارڑ کی مد میں پرائیویٹ اداروں کو پیسا دے رہے ہیں،عوام کا یہ حق ہے کہ سیاستدان ان کی خدمت کریں اورمسائل کا حل نکالیں،انتشار پسندی، نفرت اور تقسیم کی سیاست چھوڑ دیں، ملکی مسائل کے حل کیلئے سب کو اپنا کردارادا کرنا چاہیے،جو آپ نفرت کی سیاست کر رہے ہیں آپ کا اپنا ہی نقصان تو ہورہا ہے ،ملک معاشی ،سیاسی اورآئینی بحران سے گزررہا ہے،سیاسی جماعت سے کہتا ہوں نفرت اورتقسیم کی سیاست کو چھوڑ دیں،پیپلزپارٹی نے بلدیاتی الیکشن میں بھرپورکامیابی حاصل کی،پیپلزپارٹی نے حیدرآباد میں کلین سویپ کیا ، پیپلز پارٹی نے سندھ میں الیکشن کرائے ہیں،جیالوں نے سازشوں کاجواب اپنے ووٹ کے حق سے دیا ہے،کچھ لوگ مسلسل کردار کشی میں لگے ہوئے ہیں،کراچی بلدیاتی الیکشن میں پیپلزپارٹی کو اکثریت ملی،
وزیراعلیٰ سندھ سید مراد علی شاہ نے کہا ہے کہ سرجیکل کمپلیکس دنیا کاسب سے بڑااسپتال ہوگا، ،1200 بیڈ کا اسٹیٹ آف دی آرٹ اسپتال ہوگا،فنڈمیسرکرنا حکومت سندھ کا کام ہےاور کام جلدی کرنا ان کا کام ہے، سرجیکل کمپلیکس کا افتتاح خود چیئرمین بلاول بھٹو نے کیا ہے، آئندہ 5 سال میں سرجیکل کمپلیکس کومکمل کریں،حکومت سندھ کی ترجیحات سے آگاہ کرنا چاہتا ہوں،اس حکومت کے اختتام سے قبل تیسری سائبر نائف کراچی میں لگادی جائےگی،
اسلام آبادم پنڈی، کراچی، صادق آباد و دیگر شہروں میں مقدمے درج
عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،
