استنبول کی عظیم آیا صوفیہ مسجد میں 86 سال بعد نماز جمعہ کی ادائیگی، روح‌پرور مناظر، لوگوں‌ کا جم غفیر امڈ آیا

استنبول کی عظیم آیا صوفیہ مسجد میں 86 سال بعد نماز جمع کی ادائیگی، لوگ صبح سویرے ہی جمع ہونا شروع ہو گئے، روح‌پرور مناظر

باغی ٹی وی : استنبول کی آیا صوفیہ گرینڈ مسجد میں نماز جمعہ کے لیے لوگ صبح سویرے ہی جمع ہونا شروع ہو گئے۔

صدر رجب طیب اردوان نے عمارت پر نصب نئی تختی کی نقاب کشائی کی۔ آج 86 سال بعد آیا صوفیہ گرینڈ مسجد میں نماز جمعہ ادا کی گئی۔ نماز ادا کرنے کے لیے صبح ہی سے لوگ جمع ہونا شروع ہو گئے جن میں خواتین اور بچے بھی شامل تھے۔

لوگوں نے ترک صدر اور عثمانی خلیفہ کی تصاویر والی شرٹس پہن رکھی تھیں۔ اس تاریخی موقع پر وبا سے بچنے اور سکیورٹی کے لیے سخت انتظامات کیے گئے تھے۔

دس جولائی کو ترکی کی سب سے اعلیٰ انتظامی عدالت کونسل آف اسٹیٹ نے آیا صوفیہ کو سلطان محمد فاتح فاؤنڈیشن کے حق میں فیصلہ دیتے ہوئے1934 کے فیصلے کو منسوخ کر دیا۔ فیصلے میں کہا گیا کہ اسے مسجد کے علاوہ کسی اور مقصد کے لئے استعمال نہیں کیا جا سکتا۔ یہ عمارت چھٹی صدی میں تعمیر کی گئی تھی۔

دنیا بھر کے مسلم علمائے کرام نے فیصلے کا خیر مقدم کرتے ہوئے کہا ہے کہ ایک خودمختار ملک کے اندرونی معاملات میں کسی کو عمل دخل کا حق حاصل نہیں۔ انہوں نے ترکی کی حکومت کو مبارکباد پیش کرتے ہوئے کہا ہے کہ وہ ان کے شانہ بشانہ کھڑے ہیں.
واضح‌ رہے کہ روسی اہلکاروں اور کلیساؤں کے وفاق نے ترکی سے مطالبہ کیا ہے کہ وہ استنبول میں واقع پرانے گرجا گھر اور یونیسکو کی جانب سے تاریخی ورثہ قرار دیے جانے والی عمارت آیا صوفیہ کو مسجد میں تبدیل کرنے سے متعلق احتیاط برتے۔
ترکی کی ایک اعلیٰ عددالت میں یہ دلائل چل رہے ہیں کہ کیا دنیا کے تعمیری عجائب میں سے ایک یعنی آیا صوفیہ جس کی موجودہ حیثیت عجائب گھر کی ہے، اسے مسجد میں تبدیل کیا جا سکتا ہے یا نہیں۔ اس اقدام سے مغرب اور عیسائی برادری کے ساتھ کشیدگی میں اضافہ ہو سکتا ہے۔
واضح رہے کہ ترکی کے اعلیٰ ترین انتظامی ادارے کونسل آف سٹیٹ نے آیا صوفیہ کو مسجد میں تبدیل کرنے سے متعلق فیصلہ موخر کر دیا تھا۔

"آیا صوفیہ” کی حیثیت پر بیرونی بیان بازی ہماری سالمیت پر حملہ تصورہوگی:ایردوان