محکمہ موسمیات کے مطابق آئندہ 24 گھنٹو ں میں موسم کی صورتحال

ملک کے بیشتراضلاع میں موسم گرم اور خشک رہے گا،محکمہ موسمیات

باغی ٹی وی :محکمہ موسمیات کے مطابق ملک کےمیدانی علاقے شدید گرمی کی لپیٹ میں رہیں گے جبکہ ڈیرہ غازی خان،ملتان اور بہاولپور کے اضلاع میں گرد آلود ہوائیں چلنے کا امکان ہے-

اسلام آباد میں بھیموسم شدید گرم اور خشک رہے گا تاہم شام کو گرج چمک کا امکان ہے-

بلوچستان کے ضلع تربت، پنجگور، چاغی، سبی اور کوہلو میں گرمی کی شدت برقرار رہے گی-

گلگت بلتستان اورآزاد کشمیر میں بعض مقامات پرمطلع جزوی ابر آلود اور موسم گرم رہے گا جبکہ مانسہرہ اور سوات میں چند مقامات پر تیز ہواؤں اور گرج چمک کے ساتھ بارش کا امکان ہے-

خیبرپختونخوا کے میدانی اضلاع میں گرمی کی شدت برقرار رہے گی-

سندھ کے بیشتر اضلاع میں موسم خشک اورگرم رہے گا،کراچی سمیت ساحلی علاقوں میں مطلع جزوی ابر آلود رہے گا،رات کوبوندا باندی متوقع ہے-

دادو، جیکب آباد، پڈعیدن ، موہنجو داڑو،روہڑی ، سکھراور لاڑکانہ میں موسم شدید گرم رہے گا بینظیر آباد،میر پور خاص، عمر کوٹ، تھر پارکر،خیر پور اورسانگھڑمیں گرمی کی شدت رہے گی –