پاکستان تحریک انصاف کی رکن قومی اسمبلی غلام بی بی بھروانہ نے کہا ہے کہ کشمیریوں نے دنیا پر واضح کردیا ہے کہ وہ بھارت کی جارحیت کے باوجود آزادی کے موقف پر قائم ہیں،
امریکہ کی پالیسی چین سے متعلق کیسی ہونی چاہیے؟ چینی سفیر نے واضح کر دیا
اسلام آباد ۔ 30 اکتوبر (اے پی پی) پاکستان تحریک انصاف کی رکن قومی اسمبلی غلام بی بی بھروانہ نے کہا ہے کہ کشمیریوں نے دنیا پر واضح کردیا ہے کہ وہ بھارت کی جارحیت کے باوجود آزادی کے موقف پر قائم ہیں، کشمیر کی آزادی کے علاوہ کوئی آپشن قابل قبول نہیں ہے۔عالمی برادری مقبوضہ کشمیر میں بھارت کے ظلم اور انسانی حقوق کی خلاف ورزی کے خلاف اپنا کردار اداکرے۔ یہ بات انہوں نے ”اے پی پی” سے گفتگوکرتے ہوئے کہی، انہوں نے کہا کہ اب وقت آگیاہے کہ دنیا کشمیریوں کو آزادی دلانے کیلئے کردار اداکرے۔ انہوں نے کہا کہ کشمیریوں نے بھارت کے خلاف جدوجہد کرکے ایک نئی تاریخ رقم کی ہے،
ایک سوال کے جواب میں انہوں نے کہا کہ وزیراعظم عمران خان کشمیر کے ایشو پر دنیا کو جس طرح آگاہ کررہے ہیں ، اس کے مثبتت نتائج نکلیں گے اور انشااللہ کشمیر آزاد ہوگا ۔ اورکشمیر بنے گا پاکستان کے نعرے کو حقیقی روپ ملے گا،
