اعظم سواتی کی ضمانت کی درخواست پر سماعت کل تک ملتوی

اسپیشل جج سینٹرل نے اعظم سواتی کی ضمانت کی درخواست پر سماعت کل تک ملتوی کردی ہے.

متنازعہ ٹویٹ کیس میں گرفتار تحریک انصاف کے سینیٹر اعظم سواتی کی درخواست ضمانت پر فیصلہ آج بھی نہ سنایا جا سکا،اسپیشل سینٹرل جج کی عدالت میں اعظم سواتی ضمانت کی درخواست پر سماعت کل تک کے لئے ملتوی کردی گئی ہے۔ اعظم سواتی کی ضمانت کی درخواست پر وکیل بابر اعوان نے اپنے دلائل میں کہا کہ مقدمہ کے مدعی متاثرہ فریق نہیں ہے، مقدمہ ایف آئی اے کی جانب سے درج کیا گیا ہے۔

بابراعوان نے کہا کہ توہین کا معاملہ بنتا ہی نہیں اور زیادہ سے زیادہ توہین کے معاملے میں ہزار روپے جرمانہ بنتا ہے، 75 سالہ شہری کو دو صوبوں میں گھوماتے رہے۔ اسپیشل پراسیکیوٹر راجہ رضوان عباسی کل دلائل دیں گے جس کے بعد اعظم سواتی ضمانت کی درخواست پر سماعت کل تک ملتوی کردی ہے۔ نئے جج کی تعیناتی کے باعث دوبارہ اعظم سواتی کی ضمانت کی درخواست پر دلائل ان کے وکیل بابر اعوان کی جانب سے دیے گئے۔ کیس کی سماعت اسپیشل جج سینٹرل اعظم خان نے کی کیونکہ اس سے قبل اسپیشل جج سینٹرل راجہ آصف محمود نے فیصلہ محفوظ کیا تھا جن کا تبادلہ کردیا گیا تھا۔
مزید یہ بھی پڑھیں.
بلاول نے ارجنٹینا کی جیت پر لیاری میں ہونے والے جشن کی ویڈیو شیئرکردی
احسان فراموش نہ بنیں، پرویز الہی نے پی ٹی آئی کو کھری کھری سنا دی
شوگر کے مریضوں کیلئے استعمال کی جانیوالی انسولین کی قلت کا انکشاف
بے بنیاد پروپیگنڈا کیا گیا،ڈیم فنڈ اب بھی محفوظ ہے.ثاقب نثار
اسلام آباد پولیس نے گمنام شکایت پر مقدمہ درج کرنے کی غلطی تسلیم کر لی
اسلام آباد میں میڈیا سے گفتگو کرتے ہوئے وکیل بابراعوان نے کہا کہ نئے تعینات جج کے سامنے اعظم سواتی پرہونے والے ظلم رکھے، پراسیکیوٹرکہتے ہیں کہ بحث کرنی ہے اور بعد میں جج کے ٹرانسفر آرڈرآجاتے ہیں۔ انہوں نے ملکی سیاسی صورتحال پر تبصرہ کرتے ہوئے کہا کہ اراکین نے کہا استعفی دیںگے اسپیکرقومی اسمبلی بھاگ رہے ہیں، 23 دسمبرکواسمبلیاں توڑیں گے اور27 کلومیٹر کی حکومت گرجائے گی۔ ان کا کہا کہنا تھا کہ یہ کہتےتھے 6 ماہ میں پاکستان کواٹھا دیں گے، تو کہاں گئی امداد جو باہرسے آئی تھی۔ معشیت، ایوان، قانون سمیت تمام معاملات کا پی ڈی ایم نے بیڑا غرق کیا ہے۔