ڈی پی او گجرات سید توصیف حیدر کا تمبل چوک مسجد میں کھلی کچہری کا انعقاد

گجرات (چوہدری فیضان ارشاد سے)
شہریوں کے مسائل کے حل اور شکایات کے ازالہ کے لئے ڈی پی او گجرات سید توصیف حیدر کا ڈپٹی کمشنر گجرات ڈاکٹر خرم شہزاد کے ہمراہ تمبل چوک مسجد میں کھلی کچہری کا انعقاد۔
تفصیلات کے مطابق ڈی پی او گجرات سید توصیف حیدر نے ڈپٹی کمشنر گجرات ڈاکٹر خرم شہزاد کے ہمراہ تھانہ بی ڈویثرن کے علاقہ کی جامع مسجد میں نماز جمعہ کے بعد کھلی کچہری لگائی۔ کھلی کچہری کے دوران ڈی پی او گجرات سید توصیف حیدر اور ڈی سی گجرات ڈاکٹر خرم شہزاد نے شہریوں کو درپیش مختلف مسائل سنے اور ان کے فوری حل کے لئے متعلقہ افسران کو احکامات جاری کئے۔
ڈی پی او گجرات سید توصیف حیدر کا کہنا تھا کہ شہریوں کے مسائل کا حل ان کی اولین ترجیحات میں ہے ہم ہر جمعہ کو ضلع کی کسی نہ کسی مسجد میں کھلی کچہری کا انعقاد کریں گے۔اس کے علاوہ ضلع کے تمام تھانہ جات کے ایس ایچ اوز کو بھی اپنے اپنے علاقہ کی مساجد میں کھلی کچہریاں لگانے کی ہدائیت کی گئی ہے۔ہمارا مشن عوامی مسائل کا حل انکی دہلیز پر کر نا ہے۔