موٹروے انٹرچینج بھیرہ کے قریبآوارہ بچھڑے سے ٹکڑا کر حادثہ کا شکار ہوگئی

بھیرہ موٹروے انٹرچینج بھیرہ کے قریب لاہور سے اسلام آبادنماز جنازہ میں شرکت کیلئے جانے والی فیملی کی کار موٹروے پر پھرتے آوارہ بچھڑے سے ٹکڑا کر حادثہ کا شکار ہوگئی، جس کے نتیجہ میں کار سوار چار افراد زخمی ہوگئے جنہیں ٹی ایچ کیو ہسپتال بھیرہ میں ابتدائی طبی امداد فراہم کی گئی اور بعد ازاں پمز ہسپتال اسلام آباد میں داخل کرا دیا گیا ہے حادثہ کا شکار فیملی کے سربراہ سید کلیم نے بتایا کہ وہ اپنے اہل خانہ کے ہمراہ اپنے سسر کی نماز جنازہ میں شرکت کیلئے اپنی کار نمبری ایل ای بی 7267میں اسلام آباد جا رہے تھے کہ موٹروے انٹرچینج بھیرہ کے قریب ایک آوارہ بچھڑا اچانک انکی کار کے سامنے آگیا جس سے کار ٹکڑانے کے باعث حادثہ ہوگیا اور انکی فیملی کے چار افراد زخمی ہوگئے۔زخمیوں کو ٹی ایچ کیو ہسپتال بھیرہ میں ابتدائی طبی امداد دی گئی اور بعدازاں انہیں پمز ہسپتال اسلام آباد میں داخل کرا دیا گیا ہے یہاں یہ امر قابل ذکر کہ موٹروے پر آوارہ جانوروں کے آزادانہ پھرنے کی شکایات عام ہیں اور اسی سبب متعدد حادثات بھی رونما ہو چکے ہیں عوام خصوصاً مسافروں نے موٹروے کے اعلیٰ حکام سے مطالبہ کیا ہے کہ وہ اس صورتحال کا نوٹس لیں اور موٹروے پر پھرنے والے آوارہ جانوروں کی روک تھام کیلئے اقدامات اٹھائیں۔