سرگودھا، باپ بیٹے کو قتل کرنے پر مجرم کو 2 بار سزائے موت کا حکم

سرگودھا۔ 31 جولائی (اے پی پی) ڈسٹرکٹ اینڈ سیشن جج کی عدالت نے زیادتی مقدمہ میں صلح نہ کرنے باپ بیٹے کو قتل کر دینے کے مجرم کو 2 بار سزائے موت جبکہ 4 افراد کو عدم ثبوت کی فراہمی کی وجہ سے بری کر دیا گیا۔ عدالت نے مجرم کو تین لاکھ روپے جرمانہ بھی ادا کرنے کا حکم دیا۔ پولیس ذرائع کے مطابق مورخہ27 جون 2016 ء کو تھانہ اربن ایریا کی حدود میں زیادتی کے کیس میں صلح نہ کرنے پر مجرم اسد علی نے اڑھائی سالہ سبحان اور اس کے والد کو فائرنگ کر کے قتل کر دیا،جبکہ سات سالہ مدثر شدید زخمی ہو گیا تھا،ایڈیشنل ڈسٹرکٹ اینڈ سیشن جج سرگودھا فرحان مدثر نے مقدمہ کی سماعت کے بعد فیصلہ سناتے ہوئے ملزم اسد علی پر الزامات ثابت ہونے پر 2 بار سزائے موت اور تین لاکھ روپے جرمانہ کی سزا سنا دی،جرمانے کی سزا مقتولین کے ورثاء کو ادا کی جائیگی۔