شوبز سرگرمیاں معطل ہی کچن چلانے کےلئے بزنس سیٹ کرنے کی کوشش میں ہوں ببرک شاہ

اداکار ببرک شاہ نے اپنے حالیہ انٹرویو میں کہا ہےکہ لاہور میں شوبز کی سرگرمیاں معطل ہیں ایک عرصے سے ، کرنے کو کام نہیں ہے نہ ہی ٹی وی کا ڈرامہ بن رہا ہے نہ ہی فلم بن رہی ہے. میرے پاس تمام آلات ہیں جیسے ہی حالات نارمل ہوتےہیں یقینا میں فلم بھی بنائوں گا ڈرامہ بھی بنائوں گا. انہوں نے کہاکہ شوبز کی رونقیں ماند پڑی ہوئی ہیں ، فی الحال تو میں‌اپنا کچن چلانے کےلئے تگ و دو کررہا ہوں ایک چھوٹا سا بزنس سیٹ کرنے کی کوشش کررہا ہوں. انہوں نے کہا کہ میری خواہش ہے کہ ایک بار پھر لاہور کی انڈسٹری کھڑی ہوجائے اور فلمیں بنیں.

ببرک شاہ نے مزید کہا کہ” انسان کی قسمت میں‌کیا لکھا ہے اسکو نہیں پتہ ہوتا وقت کے ساتھ ساتھ پتہ چلتا ہےکہ اس کے لئے خدا نے کیا لکھ رکھا ہے”.کسی کو نہیں‌پتہ ہوتا ہے کہ وہ زندگی میں‌آگے جا کر کیا کرے گا. انہوں نے مزید کہا کہ میں کام کرنے کے لئے تیار ہوں لیکن مجھے ابھی تک کوئی بھی ایسا سکرپٹ نہیں ملا کہ جس کو پڑھ کر میں‌فورا ہاں کردوں. یاد رہے کہ ببرک شاہ سینئر اداکار طارق شاہ کے بیٹے ہیں. انہوں نے فلموں میں کام کیا اور اپنا ایک الگ مقام بنایا .