براڈشیٹ انکوائری کیس؛ سابق چیئرمین نیب نوید احسن کی ایف آئی اے میں طلبی
وفاقی تحقیقاتی ادارے (ایف آئی اے) نے سابق چیئرمین نیب نوید احسن کو طلب کیا ہے جب کہ نیب کے لیگل کنسلٹنٹ احمر بلال صوفی کو بھی طلبی کا نوٹس جاری کیا گیا ہے۔ نیب ذرائع کے مطابق دونوں سابق نیب افسران کو پہلے بھی نوٹس بھجوائے گئے تھے جبکہ دونوں افراد کو11اور 12اکتوبر کو طلب کیا گیا تھا لیکن تاحال دونوں افسران انکوائری میں شامل ہونے سے گریزاں ہیں۔
براڈ شیٹ کمیشن؟
تحریک انصاف کی سابقہ حکومت نے براڈ شیٹ کمیشن رپورٹ کی روشنی میں پانچ افراد کے خلاف فوری طور پر فوجداری مقدمات قائم کرنے کا حکم دیا تھا۔ وفاقی کابینہ کے اجلاس کے بعد میڈیا کو بریفنگ دیتے ہوئے بتایا گیا تھا کہ کمیشن نے ان پانچ افراد کو مرکزی ملزمان قرار دیا تھا یہ نکتہ بھی اٹھایا تھا کہ سنہ 2011 سے سنہ 2018 کا عرصہ نیب کا ’تاریک ترین‘ دور تھا۔
جسٹس ریٹائرڈ عظمت سعید شیخ کی سربراہی میں قائم براڈ شیٹ انکوائری کمیشن کی رپورٹ کی روشنی میں جن افراد کے خلاف کارروائی عمل میں لائی جائے کا کہا گیا تھا ان میں ماہر قانون احمر بلال صوفی، اس وقت ایف بی آر کے عہدیدار حسن ثاقب شیخ، اس وقت کے وزارت قانون کے جوائنٹ سیکریٹری غلام رسول، برطانیہ میں سابق ڈپٹی کمشنر عبدالباسط، اس وقت سفارت خانے میں بطور ڈائریکٹر آڈٹ اینڈ اکاؤئنٹس تعینات رہنے والے شاہد علی بیگ اور یہ معاہدہ کروانے والے طارق فواد ملک شامل ہیں۔
مزید یہ بھی پڑھیں؛ جاوید لطیف کی درخواست ضمانت پر فیصلہ آ گیا
ملک بھر میں کورونا کے 62 کیسز رپورٹ. این آئی ایچ
ڈاکوؤں کو چھینے گئے موبائل فون سے سیلفی اور ویڈیو بنانا مہنگا پڑ گیا
خیال رہے کہ جسٹس ریٹائرڈ عظمت سعید شیخ نے براڈ شیٹ سکینڈل کی تحقیقاتی رپورٹ میں ملوث افراد کے خلاف سخت کاروائی کی سفارش کرتے ہوئے امید ظاہر کی تھی کہ حکومت براڈ شیٹ سکینڈل میں ملوث افراد کے خلاف کارروائی کرے گی۔
