بافٹا ایوارڈ میں جوکر زیادہ نامزدگیوں کے ساتھ سرفہرست

آسکر اور گولڈن گلوب ایوارڈز کے بعد اہم ترین برٹش فلمی ایوارڈز ’دی برٹش اکیڈمی آف فلم اینڈ ٹیلی وژن آرٹس کے لیے فلموں اداکاروں و ڈائریکٹرز سمیت تمام کیٹیگریز کی نامزدگیوں کا اعلان کردیا گیا

مجموعی طور پر بافٹا ایوارڈز 2020 کے لیے 25 کیٹیگریز کی نامزدگیوں کا اعلان کیا گیا ہے ہولی وڈ ہارر کامیڈی فلم ’جوکر‘ زیادہ نامزدگیوں کے ساتھ سب سے آگے ہے

‘جوکر‘ کو مجموعی طور پر 11 نامزدگیاں ملی ہیں جبکہ نیٹ فلیکس کی ڈرامہ فلم ’دی آئرش مین‘ اور ’ونس اپ اون اے ٹائم ان ہالی وڈ‘ کو 10 نامزدگیاں ملی ہیں بہترین فلم کی کیٹیگری میں ’جوکر، ونس اپ اون اے ٹائم ان ہالی وڈ، دی آئرش مین،1917 اور پیراسائیٹ کو نامزد کیا گیا ہے

اسی طرح بہترین اداکاروں کی کیٹیگری میں لیونارڈو ڈی کیپریو، ایڈم رور، جیکوئن فیونکس، ٹارن اگرٹن اور جوناتھن پرائس کو نامزد کیا گیا ہے جبکہ بہترین اداکارہ کی کیٹیگری کے لیے سائروسی رونن، چارلیز تھرون ، سائروسی رونن،اسکارلٹ جانسن ،جیسی بکلی اور رنی زلوگر کو نامزد کیا گیا ہے

بافٹا ایوارڈزکے لیے بہترین برطانوی فلم، بہترین غیر ملکی زبان کی فلم، بہترین ہدایت کار، بہترین معاون اداکارہ اور بہترین معاون اداکار سمیت مجموعی طور پر 25 کیٹیگریز کی نامزدگیوں کا اعلان کیا گیا ہے

بافٹا ایوارڈز کی تقریب آئندہ ماہ 2 فروری کو لندن میں ہوگی