باغی پول میں اسی فیصد سے زائد صارفین نے ماروی سرمد کے مقابلے خلیل الرحمن کو ووٹ دیا

باغی ٹی وی کے پول میں مصنف خلیل الرحمن قمراسی فیصد سے زیادہ ووٹس کے ساتھ سماجی کارکن ماروی سرمد کے مقابلے سر فہرست رہے

باغی ٹی وی: خلیل الرحمن قمر اور سماجی کارکن ماروی سرمد کے درمیان عورت مارچ کے حوالے سے تنازع کی شروعات ایک نجی ٹی وی میں ہوئی تھی خلیل الرحمن قمراس شو میں اس وقت غصے میں آگئے جب ماروی سرمد انہیں بولنے نہیں دے رہی تھیں اور ان کی بات کے درمیان باربار میرا جسم میری مرضی کا نعرہ لگائے جارہی تھیں

ماروی سرمد کی اس حرکت ہر خلیل الرحمن قمر نے اس پر چلانا شروع کردیا اور لائیو شو میں ماروی سرمد کو نا زیبا باتیں سنا دیں ان کے اس عمل پر متعدد شخصیات کی جانب سے انہیں شدید تنقید کا نشانہ بنایا گیا لیکن عوام نے ان کو بھر پور سپورٹ کیا

اس پر باغی ٹی وی نے عوام کے رائے جاننے کے لئے کہ کون صحیح ہے اور کون غلط ایک پول کروایا جس میں میں کلک کر کے بتانا تھا کہ کون کس کی سپورٹ میں ہے صارفین نے اس پول میں حصہ لیا اور ایک نام کو کلک کر کے اپنی رائے کا اظہار کیا

باغی ٹی وی کے پول کے مطابق اسی فیصد سے زیادہ لوگوں نے خلیل الرحمن قمر کو سپورٹ کرتے ہوئے ان کے رد عمل اور فحش سلوگنز کے خلاف آواز اٹھانے پر ڈرامہ نویس کی حوصلہ افزائی کی

واضح رہے کہ گذشتہ روز خواتین کے عالمی دن کے موقع پر ملک بھر میں خواتین مارچ کا انعقاد کیا گیا تھا جس میں پاکستان کے تمام بڑے شہروں میں خواتین کے حقوق کے لئے ریلیاں نکالیں گئیں تھیں ان میں عورتوں کے ساتھ مردوں نے بھی خواتیں کے حقوق کے لئے اپنی آ وازیں بلند کی تھیں ان ریلیوں میں مختلف شعبہ زندگی سے تعلق رکھنے والی معروف شخصیات نے بھی شرکت کی تھی