لاہور(شہباز اکمل جندران)

بھارت میں معیار تعلیم روز بروز گرنے لگا۔بھارت کی ٹاپ یونیورسٹیاں انٹرنیشنل رینکنگ میں اوپر کی بجائے نیچے کا سفر کرنے لگیں۔کوئی بھی یونیورسٹی پہلی 300میں جگہ نہ بناسکی۔

بھارت میں تعلیم کے معیار کی عکاسی کرتے ہوئے ، ایک بھی ہندوستانی یونیورسٹی ورلڈ یونیورسٹی رینکنگ 2020 کی فہرست میں پہلی 300 یونیورسٹیوں میں شامل نہ ہوسکی ۔برطانیہ کی ٹائمز ہائیر ایجوکیشن (دی)کی مرتب کردہ رپورٹ نے بھارتی نظام تعلیم کی گراوٹ کا بھانڈا پھوڑ دیا۔

بھارت کی سب سے بہترین یونیورسٹی انڈین انسٹی ٹیوٹ آف سائنسز (آئی آئ ایس سی) بنگلور  50 درجے نیچے گر گئی ہے۔اور اس کی رینکنگ 251-300 کے گروپ سے نکل کر301-350  کے گروپ میں شامل ہوگئ ہے۔

ۤۤائی آئ ایس سی کے علاوہ ، انڈین انسٹی ٹیوٹ آف ٹکنالوجی (آئی آئی ٹی) کا معیار تعلیم بھی روبہ زوال ہے ، اس کے بعد آئی آئی ٹی اندور 351 سے 400 کی پوزیشن پر رہے۔

ممبئی ، دہلی اور کھڑگ پور میں آئی آئی ٹی کو 401-500 رینکنگ بریکٹ میں رکھا گیا ہے۔  ہندوستانی اعلی تعلیم اپنی عالمی موجودگی میں بہتری لانے کے لئے کوششوں اور مرکزی حکومت کی طرف سےمتعدد جامعات کو شارٹ لسٹ کرنے کے باوجود کوئی بھی بھارتی یونیورسٹی عالمی معیارکی پہلی تین سو یونیورسٹیوں میں معام تلاش کرنے میں بری طرح ناکام رہی ہے۔