چکوال میں خونی روڈ نے مزید دو جانیں نگل لیں

چکوال میانوالی روڈ پر القائم مل اور بلکسر انٹرچینج کے درمیان کار اور بس کی ٹکر ہوئی جس کے نتیجہ میں کار میں موجود کل 3 افراد میں سے 02 افراد جانبحق جبکہ 1 زخمی ہوا،ریسکیو 1122 اسٹیشن چکوال سے 3 ایمرجنسی گاڑیاں روانہ کی گئیں ریسکیو آپریشن کمانڈر نے بتایا کہ کار میں موجود افراد گاڑی میں پھنسے ہوئے تھے جنہیں گاڑی کاٹ کر نکالا گیا 78 سالہ روات کے رہائشی صوفی جاوید ولدخوشی محمد نامی زخمی کو ابتدائی طبعی امداد مہیا کرنے کے بعد سٹی ہسپتال تلہ گنگ منتقل کر دیا گیا کار روات سے میال (تلہ گنگ) جارہی تھی جبکہ مسافر بس اوچھالی سے راولپنڈی جا رہی تھی جو قمنے سامنے سے ٹکرائے جانبحق افراد میں روات کے رہائشی 40 سالہ گلزار احمد ولدزشید احمد اور 45 سالہ الیاس ولدمحمد اسلم شامل ہیں جنہیں ریسکیو 1122 نے سٹی ہسپتال تلہ گنگ منتقل کر دیا۔ یاد رہے کار کے مسافر میال میں ایک جنازہ میں شرکت کیلئے جا رہے تھے۔