بھوپال: بھارت میں انتہا پسندوں کے ظلم و ستم کا سلسلہ جاری،بھارتی ریاست مدھیہ پردیش میں کرکٹ کی بال لگنے پر انتہا پسند ہندوؤں نے 17 سالہ مسلم نوجوان فیضان منصوری کو قتل کردیا۔
باغی ٹی وی : بھارتی خبررساں ادارے کے مطابق میچ کے دوران تیز شاٹ پر گیند روشن نامی راہگیر کو لگ گئی جس پر اس نے اپنے دوستوں شبھم، ساجن، روہت اور کانہا کے ساتھ مل کر شاٹ مارنے والے نوجوان ریحان سے بلاّ چھین کر مار پیٹ کی ریحان کسی طرح ان کے چنگل سے بھاگ نکلا۔
جس پران لڑکوں نے ریحان کے بھائی فیضان کو پکڑ لیا معاملہ مزید بگڑ گیا اوراس دوران روشن اور اس کے دوستوں نے فیضان منصوری کو پہ در پہ چاقو کے وار کرکے شدید زخمی کردیا مسلم نوجوان کو شدید زخمی حالت میں نجی اسپتال منتقل کیا گیا تاہم نجی اسپتال نے جھگڑے کے باعث کیس لینے سے انکار کردیا جس پر فیضان کو سرکاری اسپتال لے جایا گیا لیکن وہ طبی امداد ملنے سے پہلے ہی کا غذی کارروائیوں کے دوران ہی دم توڑ گیا۔
مودی اورمودی نوازوں نےاقتدار میں آتے ہی مسلمانوں کو دھمکیاں دینی شروع کردیں
فیضان منصوی کی موت زیادہ خون بہہ جانے کے باعث ہوئی اگر نوجوان کو بروقت طبی امداد دے دی جاتی تو 17 سالہ نوجوان اپنی زندگی کی بازی نہ ہارتا پولیس نے مقدمہ درج کرکے 4 افراد کو حراست میں لے لیا جب کہ ایک فرار ہے۔
قبل ازیں مدھیہ پردیش میں مقامی فیسٹیول کے دوران دو خواتین کا جنسی استحصال کیا گیا جب کہ وہاں موجود درجنوں افراد خواتین کی مدد کرنے کے بجائے ویڈیوز بناتے رہے پولیس نے سی سی ٹی وی فوٹیجز اور وائرل ویڈیوز کی مدد سے دو ملزمان کو حراست میں لے لیا جب کہ مرکزی کردار مفرور ہے-
