فضل الرحمان لالچی،بلے کی آفر ہوئی،انکار کر دیا،پرویز خٹک

پاکستان تحریک انصاف پارلیمنٹیرینز (پی ٹی آئی پی) کے سربراہ پرویز خٹک نے کہا ہے کہ پاکستان کے اصل مجرم یہ سیاسی لوگ ہیں،

پرویز خٹک کا کہنا تھا کہ ایسے سیاسی جنہوں نے ہر حکومت میں حصہ لیا ،اپنی جائیدادیں بنائیں،اپنی جائیدادیں بنانے والوں نے قوم کو قرضوں کے کینسر میں مبتلا کیا،پورے صوبے میں ان لوگوں کا مکروہ چہرہ دکھا نے کیلئے نکلا ہوں،کے پی کے عوام سے ہمارا تعلق ووٹ کا نہیں بھائی چارے کا ہے،الیکشن ہو نہ ہو ہم لوگ آپ کی خوشی غمی میں حاضر ہوتے ہیں،فضل الرحمان جیسا منافق اور لالچی انسان زندگی میں نہیں دیکھا ،اسلام کے نام پر مانگتے ہیں،وزارتیں مل جائے تو اسلام آباد کیلئے شریعت بھول جاتے ہیں،موسمی مینڈک میدان میں آچکے ہیں ،کوئی اسلام کے نام پر کوئی روٹی کپڑا اور مکان کے نام پر ووٹ مانگ رہا ہے،نئے پاکستان کے نام پر ووٹ مانگنے والوں ، ان مینڈکوں کیلئے اکیلا کافی ہوں ،

پرویز خٹک کا کہنا تھا کہ میں چیلنج کرتا ہوں کہ میں تمہارے مقابلے میں آیا ہوں،میں نے تو اپنی پارٹی بنائی، میں  4 سال وفاقی حکومت رہی خیبر پختونخوا کو ایک منصوبہ بھی نہیں دیا ،ہمارے چلتے ہوئے کام بند کئے گئے، پٹھانوں‌کو عمران خان بیوقوف سمجھتا ہے، فاٹا کے ساتھ سو ارب سالانہ کا وعدہ ہوا تھا، وفاق نے پچاس ارب دینے تھے، وہ نہیں دیئے گئے، بہت سی وعدہ خلافیاں ہم سے کی گئیں، اگر کچھ بنتا تو چار سال میں ہم ملک کے لئے کر لیتے،بیٹ ہو یا نہ ہو، ہم میدان میں ہیں، سیاسی آدمی ہیں،ہم نے محنت کرنی ہے، لوگوں کو مستقبل کا راستہ دکھانا ہے،کون ہے کون نہیں، اس سے فرق نہیں پڑتا، ہماری نیت صاف ہے، سب کو شکست ہو گی،میرے مقابلے بہت سارے ہیں، مجھے بلے کی آفر ہوئی میں نے انکار کر دیا، تحریری طور پر کہا کہ مجھے بلا نہیں چاہئے،

بلے کے نشان کے بعد پی ٹی آئی کا نام و نشان بھی ختم ہوجائےگا ۔

 پی ٹی آئی کے ساتھ آج جو کچھ ہو رہا ہے وہ اسکا اپنا کیا دھرا ہے ،

عمران خان نے تبدیلی کے نام پر عوام کو دھوکہ دیا

الیکشن میں میں جہاں بھی ہوں گا وہاں جیت ہماری ہی ہوگی

 بانی پی ٹی آئی اب قصہ پارینہ بن چکے

عمران خان ملک میں الیکشن نہیں چاہتا ، وہ صدارتی نظام چاہتاہے