بلوچستان میں سیلاب اور بارشوں سے مزید2افراد جاں بحق ،تعداد166ہوگئی ہے-
باغی ٹی وی : پی ڈی ایم اے کے مطابق بلوچستان میں بارشوں سے مختلف حادثات میں 75افراد زخمی ہوئے،بلوچستان بارش کے باعث 15ہزار 337مکانات کو نقصان پہنچا ،بلوچستان بارشوں اور سیلاب سے 23 ہزار 13 مویشی ہلاک ہوئے-
پی ڈی ایم اے کے مطابق بلوچستان میں سیلاب اور بارشوں سے2 لاکھ ایکڑ اراضی پر کھڑی فصلیں متاثر ہوئیں بلوچستان کے مختلف علاقوں میں ریلیف کی سرگرمیاں جاری ہیں ،بلوچستان میں ریلیف سرگرمیوں میں انتظامیہ ، پاک فوج ، بحریہ اور ایف سی سرگرم ہیں-
دوسری جانب محکمہ موسمیات نے پیش گوئی کی ہے کہ ملک کےبیشتر علاقوں میں موسم گرم اور مرطوب رہے گا،آزادکشمیر، پنجاب، خیبرپختونخوا،گلگت بلتستان اوربلوچستان میں بارش کا امکان ہے،اسلام آباد میں رات کے دوران تیز ہواؤں اورگرج چمک کے ساتھ بارش متوقع ہے-
محکمہ موسمیات کےمطابق خضدار،بو لان، کو ہلو، قلات، لسبیلہ، زیارت اور بارکھان میں بارش کا امکان ہے ،خطہ پوٹھوہار، گوجرانوالہ، لاہور، سا ہیوال، اوکا ڑہ اور سیالکوٹ میں بارش متوقع ہے،نارووال اورمنڈی بہاؤالدین میں تیز ہواؤں اورگرج چمک کے ساتھ بارش کا امکان ہے-
محکمہ موسمیات کے مطابق میرپور خاص میں تیز ہواؤں اور گرج چمک کے ساتھ ہلکی بارش متوقع ہے دیر، چترال، سوات، مانسہرہ، مردان، کوہاٹ،بنوں ،مالا کنڈ، خیبراورکرم میں بارش کا امکان ہے-
