برائلرمرغی کےچوزوں کی برآمد پرمکمل پابندی کا فیصلہ

لاہور(باغی ٹی وی )برائلرمرغی کےچوزوں کی برآمد پرمکمل پابندی کا فیصلہ،اس پابندی سےمرغی کےگوشت کی قیمت میں 200 روپےکلو تک کمی آسکتی ہے

سماء ٹی وی کے مطابق وزارت خوراک پنجاب نے برائلرمرغی کی قیمتوں میں کمی کیلئےچوزے کی برآمد پر پابندی عائد کرنے کا فیصلہ کرلیا۔

ذرائع کےمطابق محکمہ لائیو سٹاک نےپابندی کیلئے سمری تیار کرکےپنجاب حکومت کو بھجوا دی،ذرائع کا کہنا ہےکہ اس پابندی سےمرغی کےگوشت کی قیمت میں 200 روپےکلو تک کمی آسکتی ہے،کوئی چیزسرپلس ہو تب برآمد کی جاتی ہے،یہاں قلت ہے۔

ذرائع کےمطابق سابق اداوارمیں غلط پالیسیوں سےچکن مہنگا ہوا،مقامی سطح پر قلت کےباوجود ایکسپورٹ کرنےسےریٹس میں اضافہ ہوا،واضح رہےکہ ملک کے مختلف شہروں میں مرغی کا گوشت مہنگا کردیا گیا ہے۔