بڑی عمر والے اراکان سینٹ کو ملی چھٹی
باغی ٹی وی :چیئرمین سینیٹ کی ہدایت پر کرونا وائرس سے بچاؤ کے اقدامات مزید سخت کرتے ہوئے 50 سال سے زائد عمر اور بیمار ملازمین کو 3 اپریل تک چھٹیاں دیدی گئیں۔
تمام سینیٹ ملازمین کے لئے چیئرمین صادق سنجرانی کا نیا حکم نامہ جاری کر دیا گیا۔ سینیٹ ملازمین کو 3 اپریل تک نئی ہدایات پر فوری عمل کرنے کی ہدایت کی گئی ہے۔ ایڈیشنل، جوائنٹ اور ڈپٹی سیکرٹریز کو بھی متبادل ڈیوٹیاں کرنے کی ہدایت کی گئی ہے۔
سینیٹ کی خواتین ملازمین کو بھی دفتر آنے سے استثنی مل گیا۔ چیئرمین، ڈپٹی چیئرمین اور سیکیورٹی کے آفسز معمول کے مطابق کام کرتے رہیں گے۔ سینیٹ سیکرٹریٹ کے اوقات کار میں بھی تبدیلی کر دی گئی، سینیٹ آفس کے ملازمین نو سے دو بجے تک ڈیوٹی سرانجام دیں گے.
واضح رہے کہ اس سے پہلے تمام تعلیمی ادارے بند ہیں. ملک میںتقریبات اور سوشل کاموں پر باپندی ہے . شاہ محمود قریشی نے ماہرین کی ہدایت پر خود کو آئیسولیشن میں رکھ لیا۔ انہوں نے کہا چین سے آنے پر صدر عارف علوی اور اسد عمر کا بھی ٹیسٹ ہوا، تمام ادروں اور جماعتوں کو مل کر اس وبا سے لڑنا ہے، تنقید سے مسئلہ حل نہیں ہوگا۔
