بار ش کے باعث اسلام آباد ایئرپورٹ کی چھت ایک بار پھر ٹپک پڑی

بار ش کے باعث 105 ارب روپے کی لاگت سے تعمیر ہونے والے اسلام آباد انٹرنیشنل ایئر پورٹ کی چھت ایک بار پھر ٹپکنے لگی ائیرپورٹ اب ڈیم میں تبدیل ہوگیا-

باغی ٹی وی : انٹرنیشنل ڈیپارچر ایف آئی اے کاؤنٹر کے قریب چھت پرنالے کا منظر پیش کرنے لگا چھت سلینگ نیچے گرنے سے پانی ٹرمینل میں داخل ہو گیا جس کے باعث مسافروں کو مشکلات کا سامنا کرنا پڑا-

نیو اسلام آباد انڑنیشنل ائیرپورٹ اب ڈیم میں تبدیل

بارشوں میں پانی آبشاروں کی مانند بہنا معمول بن گیا #baaghitv #pakistan #pakistani #islamabad pic.twitter.com/ASltMd2T5z

— Baaghi TV باغی ٹی وی (@BaaghiTV) July 19, 2021

وفاقی دارالحکومت اسلام آباد انٹرنیشنل ائیر پورٹ پر بارشوں میں پانی آبشاروں کی مانند بہنا معمول بن گیا ہے اس حوالے سے انتظامیہ کی جانب سے تاحال حکمت عملی سست روی کا شکار ہے جس کی وجہ سے مسافروں کو آئے روز مسائل کا سامنا کرنا پڑتا ہے۔

واضح رہے کہ گزشتہ سال بھی وفاقی دارالحکومت اسلام آباد میں ہونے والی بارش کے باعث اسلام آباد ایئرپورٹ کی چھت ٹپکنے لگی تھیں اوراسکینگ مشین گیلی ہو گئی تھی۔ اسکینگ مشین کو حفاظتی نقطہ نظر سے پلاسٹک کور چڑھا کر ڈھانپ دیا گیا تھا۔

اسلام آباد اور راولپنڈی میں ہونے والی مسلسل بارش کے نتیجے میں ایئرپورٹ کے لاؤنج میں بھی پانی پہنچ گیا تھا جس سے صورتحال مزید خراب ہوگئی تھی۔

چیف جسٹس آف پاکستان جسٹس گلزار احمد نے دس جنوری کو ایئرپورٹ پر پروازوں کی تاخیر اور مسافروں کو درپیش مسائل سے متعلق کیس کی سماعت کے دوران کہا تھا کہ اسلام آباد ایئر پورٹ کی تعمیر جس طرح ہوئی ہے اس سے لگتا ہے کہ کسی بھی دن گر جائے گا۔